అడిష‌నల్ డైరెక్ట‌ర్ పి.కిర‌ణ్ కుమార్‌కు ఘ‌న వీడ్కోలు

– సీఆర్ మీడియా అకాడ‌మీ త‌ర‌ఫున ప‌ద‌వీ విర‌మ‌ణ శుభాకాంక్ష‌లు
– స‌మాచార శాఖ‌కు విశిష్ట సేవ‌లు అందించిన అధికారి

విజ‌య‌వాడ, నేటి పత్రిక ప్రజావార్త :
స‌మాచార‌, పౌర సంబంధాల శాఖ డైరెక్ట‌రేట్‌లో అడిష‌న‌ల్ డైరెక్ట‌ర్ (ఏడీ)గా విధులు నిర్వర్తించి ప‌ద‌వీ విర‌మ‌ణ చేస్తున్న పి.కిర‌ణ్ కుమార్‌ను సీఆర్ మీడియా అకాడ‌మీ త‌ర‌ఫున మేనేజ‌ర్ ఎం.భాస్క‌ర్ నారాయ‌ణ, సిబ్బంది శుక్ర‌వారం మ‌ర్యాద‌పూర్వ‌కంగా క‌లిశారు. ఈ సంద‌ర్భంగా ఆయ‌న‌కు ప‌ద‌వీ విర‌మ‌ణ శుభాకాంక్ష‌లు తెలియ‌జేశారు.
డైరెక్ట‌రేట్ కార్యాల‌యంలో జ‌రిగిన ఈ కార్య‌క్ర‌మంలో పి.కిర‌ణ్ కుమార్ స‌మాచార శాఖ‌లో ప‌లు కీల‌క బాధ్య‌త‌లు నిర్వర్తిస్తూ విశిష్ట సేవ‌లు అందించార‌ని కొనియాడారు. మీడియా, ప్ర‌జా సంబంధాల రంగంలో ఆయ‌న అనుభ‌వం, సేవా దృక్ప‌థం యువ అధికారులకు ఆద‌ర్శ‌మ‌ని పేర్కొన్నారు. ఈ సంద‌ర్భంగా పి.కిర‌ణ్ కుమార్ మాట్లాడుతూ, త‌న సేవా కాలంలో సహ‌క‌రించిన అధికారులు, సిబ్బందికి కృత‌జ్ఞ‌త‌లు తెలిపారు.
కార్య‌క్ర‌మంలో సీఆర్ మీడియా అకాడ‌మీ జూనియ‌ర్ అసిస్టెంట్ ల‌వ‌రాజు, పీఎస్ శ్రీనివాస జీవ‌న్‌, సిబ్బంది ఆదిత్య‌, జె.రెడ్డి త‌దిత‌రులు పాల్గొన్నారు.