Breaking News

అనుభవజ్ఞులైన నలుగురు నెఫ్రాలజిస్టుల సారథ్యంలో ప్రీమియర్ సూపర్ స్పెషాలిటీ హాస్పిటల్ ప్రారంభం…

-ప్రపంచస్థాయి ప్రమాణాలతో అత్యాధునిక కిడ్నీ వైద్యం
-ఒకేచోట నెఫ్రాలజీ, యురాలజీ, పీడియాట్రిక్ నెఫ్రాలజీ తదితర సూపర్ స్పెషాలిటీ సేవలు
-కిడ్నీ చికిత్సల కోసం అమెరికన్ కిడ్నీ ఇనిస్టిట్యూట్

విజయవాడ, నేటి పత్రిక ప్రజావార్త :
రాష్ట్రంలో మరెక్కడా లేనివిధంగా విశేషానుభవం కలిగిన నలుగురు నెఫ్రాలజిస్టుల సారథ్యంలో ప్రీమియర్ సూపర్ స్పెషాలిటీ హాస్పిటల్ రూపుదిద్దుకుంది. ప్రపంచస్థాయి ప్రమాణాలతో, అత్యాధునిక వైద్య సేవలను ప్రజలకు అందించాలనే లక్ష్యంతో ప్రీమియర్ హాస్పిటల్ ను స్థాపించినట్లు సంస్థ ఛైర్మన్, ప్రఖ్యాత నెఫ్రాలజిస్టు డాక్టర్ విఠల్ కుమార్ చుండ్రు తెలిపారు. నొవోటెల్ హోటల్ సమీపంలో ప్రీమియర్ సూపర్ స్పెషాలిటీ హాస్పిటల్ నందు గురువారం ఏర్పాటుచేసిన విలేకరుల సమావేశంలో ఆయన మాట్లాడుతూ మూత్రపిండాలకు సంబంధించిన సమగ్ర వైద్యసేవలతో కూడిన అమెరికన్ కిడ్నీ ఇనిస్టిట్యూట్ తో పాటు, వివిధ విభాగాల సూపర్ స్పెషాలిటీ వైద్య సేవలు తమ హాస్పిటల్ నందు అందుబాటులో ఉన్నాయని అన్నారు. దేశ విదేశాల్లోని ప్రతిష్టాత్మక సంస్థల్లో శిక్షణ పొందిన నిష్ణాతులైన వైద్య నిపుణులతో ప్రీమియర్ వైద్య సేవలందిస్తుందని చెప్పారు. విశేషానుభవం కలిగిన కిడ్నీ మార్పిడి చికిత్సా నిపుణులతో పాటు, చిన్నపిల్లలకు సంబంధించిన కిడ్నీ వ్యాధులకు చికిత్సనందించేందుకు ప్రత్యేకంగా పీడియాట్రిక్ నెఫ్రాలజిస్టు అందుబాటులో ఉండటం తమ హాస్పిటల్ ప్రత్యేకతగా పేర్కొన్నారు. బీపీ, షుగర్ సంబంధిత కిడ్నీ వ్యాధులు, తాత్కాలిక, దీర్ఘకాలిక కిడ్నీ సమస్యలు, గర్భిణిలు, పిల్లల కిడ్నీ వ్యాధులు కాళ్ళ వాపులు, మూత్రములో ప్రోటీన్, రక్తం పోవుట, కిడ్నీ రాళ్ళు, కిడ్నీ ఇన్ఫెక్షన్ ప్రోస్టేట్ గ్రంధి, మూత్రాశయ ఆపరేషన్లు, యాక్సెస్ ప్లానింగ్, ఏవీ ఫిస్టులాకి సంబంధించిన సమస్యలకు వైద్య సేవలతో పాటు, హిమోడయాలసిస్, పొట్ట (పెరిటోనియల్) డయాలసిస్, హోమ్ డయాలసిస్ వంటి అన్ని రకాల డయాలసిస్ సేవలు అందుబాటులో ఉన్నాయని డాక్టర్ విఠల్ కుమార్ వివరించారు. అనంతరం హాస్పిటల్ ఎగ్జిక్యూటివ్ డైరక్టర్, ప్రముఖ నెఫ్రాలజిస్టు డాక్టర్ వరుణ్ కుమార్ బండి మాట్లాడుతూ ప్రీమియర్ హాస్పిటల్ నందు కిడ్నీ మార్పిడి చికిత్సలు, కిడ్నీ సంబంధిత సమస్యలు, పాముకాటు, పురుగుల మందు, పాయిజినింగ్ కేసులకు స్పెషల్ డయాలసిస్ సేవలు లభిస్తాయని అన్నారు. షుగర్, బీపీ, థైరాయిడ్, జ్వరం మొదలైన అన్ని రకాల ఆరోగ్య సమస్యలు, ఆర్థరైటిస్, ఎస్ఎల్ఈ మొదలైన రుమటలాజికల్ డిజార్డర్లకు మెరుగైన వైద్యసేవలను అందిస్తామని తెలిపారు. ఎక్స్ రే, అల్ట్రా సౌండ్, 32 స్లైస్ సీటీ స్కాన్ సదుపాయాలతో, 24 గంటల అత్యవసర వైద్య సేవలతో అత్యాధునిక ఐసీయూ విభాగం అందుబాటులో ఉందని డాక్టర్ వరుణ్ కుమార్ పేర్కొన్నారు. ఈ సమావేశంలో హాస్పిటల్ మేనేజింగ్ డైరక్టర్ డాక్టర్ సాయి స్వప్న అట్లూరి, పీడియాట్రిక్ నెఫ్రాలజిస్టు డాక్టర్ మురళీకృష్ణ భాగవతుల, జనరల్ ఫిజిషియన్ డాక్టర్ స్ఫూర్తి రామినేని పాల్గొన్నారు.

Check Also

మాకు న్యాయం చేయండి…

విజయవాడ, నేటి పత్రిక ప్రజావార్త : ఉద్యోగుల గృహ నిర్మాణ సంఘం పేరుతో ఏపీ స్టేట్ గవర్నమెంట్ ఎంప్లాయీస్ మ్యూచువల్లీ …

Leave a Reply

Your email address will not be published. Required fields are marked *