సామర్థ్య వృద్ధి (Capacity Building) కార్యక్రమం నివేదిక

విజయవాడ, నేటి పత్రిక ప్రజావార్త :
03 జూన్ 2026న Ratan Tata Innovation Hub (RTIH) విజయవాడ, ఎనికేపాడు కార్యాలయంలో NTR District Administration మరియు NTR District MSME Department సహకారంతో రెగ్యులర్ వీక్లీ MSME కార్యక్రమంలో భాగంగా సామర్థ్య వృద్ధి (Capacity Building) కార్యక్రమం విజయవంతంగా నిర్వహించబడింది.
ఈ కార్యక్రమంలో MEPMA అధికారులు, టెక్నికల్ నిపుణులు, TLF నాయకులు, CMMలు, COలు, RPలు, SHG సభ్యులు మరియు ఔత్సాహిక పారిశ్రామికవేత్తలు పాల్గొన్నారు. మొత్తం 136 మంది ఈ కార్యక్రమం ద్వారా ప్రయోజనం పొందారు.
RTIH విజయవాడ సీఈఓ శ్రీ జి. కృష్ణన్ గారు గౌరవ ముఖ్యమంత్రి గారి “ఒక కుటుంబం – ఒక పారిశ్రామికవేత్త (One Family – One Entrepreneur)” విజన్‌ను వివరించారు. మహిళలు మరియు యువత స్వయం ఉపాధి అవకాశాలను వినియోగించుకొని విజయవంతమైన పారిశ్రామికవేత్తలుగా ఎదగాలని సూచించారు. అలాగే MSMEలు, స్టార్టప్‌లు మరియు మహిళా పారిశ్రామికవేత్తల అభివృద్ధికి RTIH చేపడుతున్న కార్యక్రమాల గురించి వివరించారు.
కార్యక్రమంలో ఈ-కామర్స్ అవకాశాలు, Ease of Doing Business, ట్రేడ్ మార్క్ ప్రాముఖ్యత, GST ప్రయోజనాలు, బ్రాండింగ్, డిజిటల్ మార్కెటింగ్ మరియు వ్యాపార అభివృద్ధి వ్యూహాలపై అవగాహన కల్పించారు. అదనంగా, ప్రభుత్వ పథకాలు మరియు మార్కెట్ అవకాశాలను వినియోగించుకోవడంపై మార్గదర్శకాలు అందించారు.
కార్యక్రమంలో భాగంగా క్రింది నమోదులు నిర్వహించబడ్డాయి:
GST నమోదులు – 7
స్టార్టప్ నమోదులు – 7
Walmart LMS నమోదులు – 12
Flipkart సెల్లర్ ఆన్‌బోర్డింగ్ – 1
Udyam నమోదులు – 4
మధ్యాహ్నం భోజన విరామం అనంతరం RTIH సీఈఓ ఆధ్వర్యంలో వన్-టు-వన్ ఇంటరాక్షన్ కార్యక్రమం నిర్వహించారు. ఈ సందర్భంగా పాల్గొన్న వారికి వ్యాపార ప్రణాళిక, బ్రాండింగ్, మార్కెటింగ్ వ్యూహాలు, వ్యాపార విస్తరణ మరియు అభివృద్ధి అవకాశాలపై వ్యక్తిగత మార్గదర్శకాలు అందించారు.
ఈ కార్యక్రమంలో NTR జిల్లా MEPMA ప్రాజెక్ట్ డైరెక్టర్ శ్రీ పి. మురళీకృష్ణ ప్రసాద్ గారు, శ్రీమతి జి.ఎస్. సుజాత గారు, శ్రీమతి ఎస్. సుజాత రాణి గారు, టెక్నికల్ నిపుణులు, జిల్లా మహిళా సమాఖ్య అధ్యక్షురాలు, Walmart ప్రతినిధులు, IPR అటార్నీ మరియు RTIH ప్రోగ్రామ్ అసోసియేట్స్ పాల్గొన్నారు.
కార్యక్రమం విజయవంతంగా ముగియగా, పాల్గొన్న వారందరూ సానుకూల స్పందన వ్యక్తం చేశారు. పారిశ్రామికవేత్తల అభివృద్ధి, ఇన్నోవేషన్ మరియు MSME వృద్ధికి RTIH విజయవాడ అందిస్తున్న నిరంతర సహకారాన్ని అభినందిస్తూ కృతజ్ఞతలు తెలిపారు.