నన్ను క్షమించండి…

విజయవాడ, నేటి పత్రిక ప్రజావార్త :
బాపట్ల ఎంపి సురేష్ మీద అభియోగాలు మోపినందుకు క్షమించమని కోరుతున్నట్లు మేకల భానుమూర్తి తెలిపారు. ఈ మేరకు గాంధీనగర్ ప్రెస్ క్లబ్ నందు విలేకరుల సమావేశం జరిపారు. ఈ సందర్భంగా ఆయన మాట్లాడుతూ తాను ఇబ్రహీంపట్నం మండలంలో నివశిస్తున్నానని, గత వారం తన కుటుంభంకు ప్రాణహాని ఉందని గాంధీనగర్ ప్రెస్ క్లబ్ నందు ఎంపి సురేష్ మీద ఆరోపణలు చేశానని తెలిపారు. తనకు మానసిక పరిస్థితి బాగోలేనందున అలా చెప్పవలసి వచ్చినదని తరువాత విషయము తెలుసుకుని బాధపడ్డానని, ఎంపి నందిగం సురేష్ వలన తనకు, తన కుటుంబానికి ఎటువంటి ప్రాణహాని లేదని విషయమంతా తెలుసుకున్నానని వివరించారు. ఎంపి నందిగం సురేష్ వల్ల తన మీద గానీ, తన తండ్రి మీద గానీ ఎక్కడ ఎటువంటి కేసులు పోలీసు వారు పెట్టలేదని తెలియజేశారు. కావున విలేకరులు ముందు ఎంపి నందిగం సురేష్ కు క్షమాపణ కోరుతున్నట్లు తెలియజేశారు.