వరిసాగు చేస్తున్న పొలాలను, వరి నూర్పిడిలను పరిశీలన…   

విజయవాడ/పెనమలూరు, నేటి పత్రిక ప్రజావార్త :
పెనమలూరు మండలంలోని తాడిగడప గ్రామంలో గురువారం పౌరసరఫరాలశాఖ డైరెక్టర్ ఎస్. ఢిల్లీరావు వరిసాగు చేస్తున్న పొలాలను, వరి నూర్పిడిలను పరిశీలించారు. ఈ సందర్బంగా తాడిగడప గ్రామంలో వరి సాగు చేయుచున్న రైతు నెక్కలపూడి రాఘవయ్య తో సంబాషించి సదరు రైతులు మద్దతు ధర పొందుచున్నది లేనిది పరిశీలించి, సాగుచేయు ధాన్యము రకములు తెలుసుకున్నారు. సదరు గ్రామం లో రైతు భరోసా కేంద్రం, పిపిసి సిబ్బంది తో మాట్లాడి ఏ విధంగా ధాన్యం కొనుగోలు చేయుచున్నారో తెలుసుకున్నారు. రైతులతో ముచ్చటిన్చుచు ఈ సంవత్సరం దాళ్వా లో వరి సాగుకు బదులు ప్రత్యామ్నాయ పంటలు పండించవలసిందిగా సూచించారు. రైతులందరూ ప్రభుత్వం వారు ఏర్పాటు చేసిన ధాన్యం కొనుగోలు కేంద్రం ద్వారా తగిన మద్దతు ధరకు అనగా A గ్రేడు 1960/-(క్వింటాకు ), కామన్ రకం 1940 (క్వింటాకు) పొందవచ్చునన్నారు. ఈ కార్యక్రమం లో తహసిల్దారు జి. భద్రు, డిప్యూటీ తహసీల్దార్ బి.రామకృష్ణ, ఏవో ఎల్.శ్రీనివాస్ తదితర అధికారులు పాల్గొన్నారు.