నేటి నుంచి రాష్ట్ర స్థాయి సైన్స్ ఎగ్జిబిషన్

-జిల్లా స్థాయిలో ఎంపికైన 260 ప్రాజెక్టులు ప్రదర్శన

విజయవాడ, నేటి పత్రిక ప్రజావార్త :
ఫిబ్రవరి 27, 28 తేదీల్లో ఆంధ్రా లయోలా కాలేజీలో రాష్ట్ర స్థాయి సైన్స్ ఎగ్జిబిషన్ నిర్వహిస్తున్నట్లు ఎస్సీఈఆర్టీ డైరెక్టర్ డా. బి. ప్రతాప్ రెడ్డి గారు ఆదివారం ఒక ప్రకటనలో తెలిపారు. ప్రభుత్వ యాజమాన్య పాఠశాలల్లో 6 నుండి 10 తరగతుల విద్యార్థులు తయారు చేసి, జిల్లాస్థాయిలో ఎంపికైన 260 సైన్స్ ప్రాజెక్టులను ప్రదర్శిస్తున్నామని తెలిపారు. ఈ కార్యక్రమం ప్రారంభోత్సవానికి రాష్ట్ర విద్యాశాఖామాత్యులు బొత్స సత్యనారాయణ, పాఠశాల విద్యాశాఖ ప్రిన్సిపల్ సెక్రటరీ ప్రవీణ్ ప్రకాష్, పాఠశాల విద్యాశాఖ కమీషనర్, సమగ్రశిక్షా రాష్ట్ర పథక సంచాలకులు ఎస్.సురేష్ కుమార్ తదితరులు పాల్గొంటారని తెలిపారు. తిలకించేందుకు విద్యార్థులు పెద్ద ఎత్తున పాల్గొంటారని తెలిపారు.