వార్డు సచివాలయ ఉద్యోగులకు ఎ.పి.పి.యస్.సి విడుదల స్పెషల్ డిపార్ట్మెంటల్ టెస్ట్ నోటిఫికేషన్ లో అవకాశం కల్పించాలని విజ్ఞప్తి… : ఎం.డి.జాని పాషా 

విజయవాడ, నేటి పత్రిక ప్రజావార్త :
గ్రామ వార్డు సచివాలయ ఎంప్లాయిస్ ఫెడరేషన్ ఆంధ్రప్రదేశ్ రాష్ట్ర అధ్యక్షులు ఎం.డి.జాని పాషా ఈ సందర్భంగా మాట్లాడుతూ ఇటీవల ఎ.పి.పి.యస్.సి ద్వారా గ్రామ వార్డు సచివాలయ ఉద్యోగులకు మేలు చేయడం కోసం ప్రత్యేకంగా డిపార్ట్మెంటల్ టెస్ట్ నోటిఫికేషన్ విడుదల చేశారని,అయితే ఈ నోటిఫికేషన్ లో గ్రామ సచివాలయ ఉద్యోగులకు మాత్రమే అవకాశం వుంది. వార్డు సచివాలయ ఉద్యోగులకు అవసరమైన పేపర్ కోడ్ 8మరియు 10కి సంభందించి ఈ నోటిఫికేషన్ లో అవకాశం కల్పించలేదు.దీని వలన దాదాపుగా 8వేల నుండి 10వేల వరకు డిపార్ట్మెంట్ టెస్ట్ లు పాస్ కాని వార్డు కార్యదర్శులకు డిపార్ట్మెంట్ టెస్ట్ లకు సంభందించి అప్లై చేసుకోవడానికి అవకాశం లేదు.దాదాపు 40వేల మంది గ్రామ సచివాలయ ఉద్యోగులకు ఈ స్పెషల్ నోటిఫికేషన్ ద్వారా అవకాశం లభించింది.అలాగే మిగిలిన 8 నుండి 10వేల మంది వార్డు సచివాలయ ఉద్యోగులకు సైతం డిపార్ట్మెంట్ టెస్ట్ లకు ఈ నోటిఫికేషన్ ద్వారా అవకాశం కల్పించాలని విజ్ఞప్తి చేశారు. ఈ అవకాశం కల్పించడం ద్వారా టెస్టులు పాస్ కాని వార్డు సచివాలయ కార్యదర్సులకు ఎంతో మేలు జరుగుతుందని జాని పాషా తెలిపారు.