స్కిల్ ఇంటర్నేషనల్ కార్యకలాపాలపై అవగాహన కార్యక్రమం

విజయవాడ, నేటి పత్రిక ప్రజావార్త :
నేటి రోజున ఆంధ్రప్రదేశ్ రాష్ట్ర నైపుణ్యాభివృద్ధి సంస్థ (APSSDC) MD & CEO గారి ఆదేశాల మేరకు విజయవాడలోని ప్రభుత్వ నర్సింగ్ కళాశాలలో ఓరియంటేషన్ కార్యక్రమాన్ని నిర్వహించాము. ఈ కార్యక్రమంలో స్కిల్ ఇంటర్నేషనల్ యాక్టివిటీస్పై విస్తృత అవగాహన కల్పించడమేకాకుండా, నర్సులకు విదేశాల్లో లభ్యమవుతున్న ఉపాధి అవకాశాలు గురించి వివరించడం జరిగింది. ఈ కార్యక్రమంలో నర్సింగ్ విద్యార్థులకు వివిధ దేశాలలో అవసరమైన నైపుణ్యాలు, ఆర్థికాభివృద్ధికి అనువైన అవకాశాలు, మరియు గ్లోబల్ హెల్త్‌కేర్ రంగంలో ఉపాధి అవకాశాలను వివరించారు. జి. కిషోర్ కుమార్ – జనరల్ మేనేజర్, స్కిల్ ఇంటర్నేషనల్, APSSDC, ఎస్. శ్రీనివాస రావు – డి.ఎస్.డి.ఓ., APSSDC, ఎన్‌టిఆర్ జిల్లా, కె. చైతన్య – అసోసియేట్ మేనేజర్, APSSDC కార్యక్రమంలో ముఖ్య అతిథులుగా పాల్గొన్నారు.

సూచించబడిన ముఖ్యాంశాలు:
విదేశీ ఉపాధి కోసం అవసరమైన ప్రామాణీకరణ పద్ధతులు మరియు సర్టిఫికేషన్. నైపుణ్యాభివృద్ధి శిక్షణా కార్యక్రమాల ద్వారా ఉపాధి అవకాశాల వృద్ధి. నర్సులకు ప్రపంచ స్థాయిలో ఉన్న డిమాండ్, ముఖ్యంగా యూరప్, గల్ఫ్, మరియు అమెరికాలో. APSSDC అందిస్తున్న సేవలు మరియు ప్రోత్సాహకాలు.

ఈ కార్యక్రమం విద్యార్థుల నుండి మంచి స్పందనను అందుకుంది. నర్సింగ్ రంగానికి చెందిన యువతకు అవకాశాలను అందించడంలో APSSDC కీలక పాత్ర పోషిస్తున్నందుకు అభినందనీయమని ముఖ్య అతిథులు పేర్కొన్నారు.