వ‌ర‌ల్డ్ స్కేట్ గేమ్స్ లో కాంస్యం సాధించిన ఆర్యాణి ను అభినందించిన ఎంపి కేశినేని శివనాథ్

విజయవాడ, నేటి పత్రిక ప్రజావార్త :
ఇటీవల ఇట‌లీ లో జరిగిన వ‌రల్డ్ స్కేట్ గేమ్స్ ఇటలీ -2024 రోల‌ర్ డెర్బీ విభాగంలో ఇండియా త‌రుఫున ఆడి కాంస్య ప‌త‌కం సాధించిన చేబోయిన ఆర్యాణి ను విజయవాడ ఎంపి కేశినేని శివనాథ్ అభినందించారు. ఆర్యాణి అభిరుచి తెలుసుకుని ఆ రంగంలో ప్రొత్సహించట‌మే కాకుండా , స్వ‌యంగా కోచింగ్ ఇచ్చిన తండ్రి శివ‌ప‌ర‌మేశ్వ‌రరావు, త‌ల్లి నాగ‌స్వ‌ర్ణ ను ప్ర‌త్యేకంగా అభినందించారు. విజయవాడ మధురాన‌గ‌ర్ కి చెందిన ఆర్యాణి వ‌రల్డ్ స్కేట్ గేమ్స్ ఇటలీ -2024 లో కాంస్య ప‌త‌కం గెలుపొందిన విషయం తెలుసుకుని గురునానక్ కాలనీలోని విజయవాడ పార్లమెంట్ కార్యాయలం, ఎన్టీఆర్ భవన్ కి ఆహ్వానించారు. ఈ ఛాంపియన్షిప్ లో ఆస్ట్రేలియా అమెరికా తో జరిగిన మ్యాచ్ లో ఉత్త‌మ ప్లేయ‌ర్ గా ఆర్యాణి అవార్డ్ పొందింది. అలాగే 2019 స్పెయిన్ లో జ‌రిగిన వ‌ర‌ల్డ్ స్కేట్ గేమ్స్ లో అత్యుత్త‌మ ప్ర‌ద‌ర్శ‌న తో సెమీస్ వ‌ర‌కు వెళ్లిగ‌లిగింది. తనని అభినందించిన ఎంపి కేశినేని శివనాథ్ కి చెబోయిన ఆర్యాణి కృతజ్ఞతలు తెలిపారు. ఈ కార్యక్రమంలో మాజీ శాఫ్ చైర్మ‌న్ పొలినేని అంకం చౌద‌రి, ఫ‌న్ టైమ్ క్ల‌బ్ వైస్ ప్రెసిడెంట్ అట్లూరి సుమ బిందు త‌దిత‌రులు పాల్గొన్నారు.