డొక్కా సీతమ్మ చారిటబుల్ ట్రస్ట్ ఆధ్వర్యంలో అన్నదాన కార్యక్రమం

విజ‌య‌వాడ‌, నేటి పత్రిక ప్రజావార్త :
సెంట్రల్ నియోజకవర్గం, 58వ డివిజన్, పైపుల రోడ్డు సెంటర్, ఆంజనేయ స్వామి టెంపుల్ దగ్గర ఈరోజు డొక్కా సీతమ్మ చారిటబుల్ ట్రస్ట్ ఆధ్వర్యంలో అన్నదాన కార్యక్రమం జరిగింది. ఈ అన్నదాన కార్యక్రమం గత రెండు సంవత్సరాల నుంచి నెలలో రెండు సార్లు కొనసాగిస్తూనే ఉన్నారు. అక్కడికి వచ్చిన ప్రతి ఒక్కరు డొక్కా సీతమ్మ అన్నదాన కార్యక్రమం ప్రతిరోజు జరగాలని కోరుకుంటున్నారు. మనం చేసే ఏ మంచి పని అయినా ప్రజల గుండెల్లో గుర్తుండి పోయేలాగా చేస్తుందని మాకు ప్రభుత్వం సపోర్ట్ చేస్తే ఒక గొప్ప మహానుభావులైన సీతమ్మ పేరు మీద పెట్టిన ఈ అన్నదాన కార్యక్రమాన్ని రోజు జరిగేలా చూస్తే సేవ చేసుకోవడానికి ట్రస్ట్ మెంబర్స్ అందరూ సిద్ధంగా ఉన్నారని డొక్కా సీతమ్మ చారిటబుల్ ట్రస్ట్ వ్యవస్థాపకురాలు అవుటుల్లి విజయకుమారి చెప్పారు. ఈ కార్యక్రమంలో సంసాని విజయలక్ష్మి, గుబ్బల జ్యోతి, ఎర్రోజు అభిలాష్, దాసరి ప్రశాంతి, పినపార పుణ్య లక్ష్మి దుర్గ, కానుమూరి కనకదుర్గ, మెట్టు కావ్య తదితరులు పాల్గొన్నారు