శ్రీశ్రీ కళావేదిక యువజన కళాఉత్సవ్ పోస్టర్ ఆవిష్కరించిన ఆంధ్రప్రదేశ్ ప్రెస్ అకాడమీ ఛైర్మన్ కొమ్మినేని శ్రీనివాసరావు

తిరుపతి, నేటి పత్రిక ప్రజావార్త :
శ్రీశ్రీ కళావేదిక యువజన కళాఉత్సవ్ ప్రచార పత్రాలను ఆంధ్రప్రదేశ్ ప్రెస్ అకాడమీ ఛైర్మన్ కొమ్మినేని శ్రీనివాసరావు బుధవారం తిరుపతిలో ఆవిష్కరించారు. రెండు రోజుల పర్యటన నిమిత్తం జిల్లాకు వచ్చిన ఆయన శిల్పారామం వద్ద గల గ్రాండ్ రిడ్జ్ హోటల్ లో శ్రీశ్రీ కళావేదిక ఏర్పాటుచేసిన ప్రత్యేక కార్యక్రమంలో ముఖ్య అతిథిగా పాల్గొన్నారు. ఈ సందర్భంగా శ్రీశ్రీ కళావేదిక ఆంధ్రప్రదేశ్ రాష్ట్ర అధ్యక్షులు గుత్తా హరి సర్వోత్తమ నాయుడు ఆధ్వర్యంలో కొమ్మినేనికి ఘనంగా స్వాగతం పలికారు. అనంతరం ప్రెస్ అకాడమీ చైర్మన్ యువజన కళాఉత్సవ్ పోస్టర్ లనుఆవిష్కరించారు. ఈ కార్యక్రమంలో కేంద్ర ప్రభుత్వ రాజ్య మహిళా సమ్మాన్ అవార్డు గ్రహీత నల్లాని రాజేశ్వరి, ప్రముఖ సాహితీవేత్త, శ్రీశ్రీ కళావేదిక తిరుపతి జిల్లా గౌరవాధ్యక్షుడు డాక్టర్ వి. ఆర్. రాసాని, వెబ్ ఎడిటర్ శరత్ తదితరులు పాల్గొన్నారు. వక్తలు మాట్లాడుతూ, ఐ.ఎస్.ఓ. గుర్తింపు పొందిన అంతర్జాతీయ సాహిత్య, సాంస్కృతిక, సామాజిక సేవాసంస్థ శ్రీశ్రీ కళావేదిక సేవలు అభినంద నీయమన్నారు. జనవరి 22 వ తేదీ హైదరాబాద్ లోని పొట్టి శ్రీరాములు తెలుగు యూనివర్సిటీలో ఎన్టీఆర్‌ కళామందిరంలో జరగనున్న శ్రీశ్రీ కళావేదిక యువజన కళాఉత్సవ్ విజయవంతం కావాలని ఆకాంక్షించారు.