ఈ నెల 28 నుండి తిరుపతి, తిరుమల 2 రోజుల పర్యటన లో భాగంగా జిల్లాకు విచ్చేయనున్న గవర్నర్ అబ్దుల్ నజీర్ : కలెక్టర్

తిరుపతి, నేటి పత్రిక ప్రజావార్త :
తిరుపతి జిల్లాలో 2 రోజుల పర్యటన లో భాగంగా తిరుపతికి ఈ నెల 28న గౌ. ఆం.ప్ర. రాష్ట్ర గవర్నర్ అబ్దుల్ నజీర్ విచ్చేయనున్నారని జిల్లా కలెక్టర్ కె.వెంకట రమణా రెడ్డి ఒక ప్రకటనలో తెలిపారు. ఈ నెల 28 న ఉదయం 7.30 గంటలకు గన్నవరం విమానాశ్రయం నుండి బయలుదేరి 9.10 గంటలకు రేణిగుంట విమానాశ్రయం చేరుకొని అక్కడి ముంది రోడ్డు మార్గాన బయలుదేరి 9.40 గంటలకు శ్రీ పద్మావతి అతిథి గృహం తిరుపతి చేరుకుంటారు. 10.55 గంటలకు అక్కడి నుండి బయలుదేరి 11.00 గంటలకు మహతి ఆడిటోరియం చేరుకొని శ్రీ వేంకటేశ్వర వేదిక్ యూనివర్సిటీ 7వ స్నాతకోత్సవం లో పాల్గొని అనంతరం అక్కడ నుండి బయల్దేరి మధ్యాహ్నం 12.45 గంటలకు శ్రీ పద్మావతి అతిథి గృహం చేరుకొని భోజనానంతరం అక్కడి నుండి 2.00 గంటలకు రోడ్డు మార్గాన బయలుదేరి 2.30 గంటలకు రేణిగుంట విమానాశ్రయం నుండి హెలికాప్టర్ లో కడప జిల్లా పర్యటనకు బయలుదేరి తిరిగి సాయంత్రం 6.15 గంటలకు రేణిగుంట విమానాశ్రయం చేరుకొని అక్కడి నుండి రోడ్డు మార్గాన బయలుదేరి రాత్రి 7.45 గంటలకు శ్రీ పద్మావతి అతిథి గృహం తిరుమల చేరుకొని అక్కడే రాత్రి బస చేయనున్నారు. 29 న ఉదయం 7.05 గంటలకు తిరుమల శ్రీవారి ఆలయానికి చేరుకొని శ్రీ వేంకటేశ్వర స్వామి వారిని దర్శించుకుని తిరిగి 8.00 గంటలకు తిరుమల పద్మావతి గెస్ట్ హౌస్ కు చేరుకొని అల్పాహారం అనంతరం 9.30 గంటలకు తిరుమల పద్మావతి అతిథి గృహం నుండి రోడ్డు మార్గంలో బయలుదేరి రేణిగుంట విమానాశ్రయం చేరుకొని ఉదయం 11.00 గంటలకు విజయవాడకు హెలికాప్టర్ లో తిరుగు ప్రయాణం కానున్నారని కలెక్టర్ ఆ ప్రకటనలో తెలిపారు.