బహిరంగ మార్కెట్‌లో గోధుమలు, బియ్యం అమ్మకాలు

విజయవాడ, నేటి పత్రిక ప్రజావార్త :
ఫుడ్ కార్పొరేషన్ ఆఫ్ ఇండియా సౌత్ జోన్ లోని తన ప్రాంతీయ కార్యాలయాల ద్వారా OMSS(D) కింద గోధుమలు అమ్మకాలు బహిరంగ మార్కెట్‌లో గోధుమలు ధరలను స్థిరీకరించడానికి ఫుడ్ కార్పొరేషన్ ఆఫ్ ఇండియా ఓపెన్ మార్కెట్ సేల్ స్కీమ్-డొమెస్టిక్ ద్వారా, భారత ప్రభుత్వ వినియోగదారుల వ్యవహారాలు, ఆహారం మరియుప్రజాపంపిణీ మంత్రిత్వ శాఖ నిర్ణయించిన సబ్సిడీ ధరలకు ఆహార ధాన్యాలను (గోధుమలు ) ఇ-వేలం ద్వారా అందిస్తోంది. ఈ పథకం క్రింద, ఫుడ్ కార్పొరేషన్ ఆఫ్ ఇండియా, గోధుమ ఉత్పత్తుల యొక్క ప్రొసెసర్లు / గోధుమ పిండి మిల్లర్లకు మాత్రమే గోధుమలను అందిస్తుంది (ట్రేడర్లు / బల్క్ కొనుగోలుదారులు అనుమతించబడరు). గోధుమల విషయంలో అర్హత కలిగిన బిడ్డర్ కనీసం 10 మెట్రిక్ టన్నుల నుంచి గరిష్టంగా 100 మెట్రిక్ టన్నులకు బిడ్ వేయడానికి అర్హులు. ఇ-వేలంలో పాల్గొనదలచిన బిడ్డర్ తప్పనిసరిగా చెల్లుబాటు అయ్యే ఎఫ్.ఎస్.ఎస్.ఎ.ఐ లైసెన్స్, జి.ఎస్.టి. / ట్రేడ్ టాక్స్ రిజిస్ట్రేషన్, పాన్ కలిగి ఉండాలి మరియు గోధుమల ఈ-వేలానికి సంబంధించి భారత ప్రభుత్వ డబ్ల్యు.ఎస్.పి. పోర్టల్లో (https://evegolis.nic.in/wsp/login) ప్రస్తుత గోధుమల స్టాక్ హోల్డింగ్ను ప్రకటించాలి. ఫుడ్ కార్పొరేషన్ ఆఫ్ ఇండియా, రీజనల్ ఆఫీస్, అమరావతి ప్రతి శుక్రవారం ఎఫ్‌సిఐ / ఏజెన్సీల డిపోల వద్ద ఉన్న నిల్వల నుండి గోధుమలు http:// www.valuejunction.in/fci వద్ద m-జంక్షన్ ప్లాట్‌ఫారమ్ ద్వారా గోధుమలు (FAQ) క్వింటాలుకు రూ.2150, గోధుమలు(URS) క్వింటాలుకు రూ.2125, వర్తించే పన్నులతో కలిపి అందిస్తోంది. ఫుడ్ కార్పొరేషన్ ఆఫ్ ఇండియా, ప్రాంతీయ కార్యాలయం, అమరావతి, 26.10.2023న జరగబోయే ఇ-వేలం కోసం, ఆంధ్ర ప్రదేశ్ రాష్ట్రంలో సుమారు 2000 MTల గోధుమలను ఆఫర్ చే స్తోంది.ఇందులోకేంద్ర పాలిత ప్రాంతమైన పోర్ట్ బ్లెయిర్ కోసం 100 MTల గోధుమలు కుడా కలుపబడ్డాయి.