పోటీ పరీక్షలపై అవగాహన సదస్సు….!

విజయవాడ, నేటి పత్రిక ప్రజావార్త :
ఉద్యోగ నోటిఫికేషన్లు ఒక్కొక్కటిగా వెలువడుతున్న వేళ.. రాష్ట్రంలోని కోచింగ్‌ సెంటర్లు,స్టడీ సెంటర్లలో ఇప్పటికే సందడి మొదలైంది.ఎలాగైనా ఉద్యోగం సాధించాలన్న ఆకాంక్షతో అభ్యర్థులు పుస్తకాలతో కుస్తీ పడుతున్నారు. ఈ నేపథ్యంలో విజయవాడలోని డా.బి.ఆర్.అంబేడ్కర్ స్టడీ సెంటర్ నందు జిల్లా ఉపాధి కల్పన శాఖ ఆధ్వర్యంలో ఈ నెల 10 వ తేదీన అనగా శనివారం ఉదయం 11 గంటలకు గ్రూపు-1, గ్రూప్ -2 మరియు ఇతర పోటీ పరీక్షలకు సిద్ధం అవుతున్న విద్యార్థులకు అవగాహన సదస్సు నిర్వహించనున్నట్లు జిల్లా ఉపాధి కల్పన అధికారి దేవరపల్లి విక్టర్ బాబు ఒక ప్రకటనలో వెల్లడించారు.ఈ సదస్సులో కాంపిటీటివ్ పరీక్షలకు అనుభవం ఉన్నతధికారులు మరియు అధ్యాపకులచే తర్ఫీదు ఇవ్వబడును అని ఆయన అన్నారు. కావున పోటీ పరీక్షలకు సిద్ధం అవుతున్న విద్యార్థులు ఈ అవకాశాన్ని సద్వినియోగం చేసుకావాలని కోరారు