కస్తూరిబా జీవితం ఆదర్శప్రాయం… : గాంధీనాగరాజన్

విజయవాడ, నేటి పత్రిక ప్రజావార్త :
జీవితాంతం వరకూ దేశసేవ చేసిన కస్తూరిబా జీవితం ఆదర్శప్రాయమని గాంధీదేశం సోషల్ వెల్ఫేర్ ట్రస్ట్ అధ్యక్షులు గాంధీ నాగరాజన్ కొనియాడారు. గురువారం ఊర్మిళానగర్ లోని ట్రస్ట్ కార్యాల యంలో కస్తూరిబా 80వ వర్ధంతి కార్యక్రమం నిర్వహించి ఆమెకు నివాళులర్పించారు. ఈ సందర్భంగా గాంధీ నాగరాజన్ మాట్లాడుతు స్త్రీలకు స్వేచ్ఛా స్వాతంత్ర్యాల కోసం కస్తూరిబా స్ఫూర్తితో మహిళలు ఉద్యమించాలని అన్నారు. మహాత్మాగాంధీ అర్ధాంగి అయిన కస్తూరిబా ఆగాఖాన్ జైలులోనే కన్నుమూసారని, దేశం కోసం ప్రాణాలను తృణప్రాయంగా త్యాగం చేసిన మహనీయురాలని అన్నారు. ఈ కార్యక్రమంలో ట్రస్ట్‌ ఎపి అధ్యక్షురాలు బంగారు భారతి, ట్రస్ట్‌ సభ్యులు, తదితరులు పాల్గొన్నారు.