నగరం లో భూతద్దం భాస్కర్ నారాయణ చిత్ర యూనిట్ సందడి

విజయవాడ, నేటి పత్రిక ప్రజావార్త :
విజయవాడ నగరం లో భూతద్దం భాస్కర్ నారాయణ చిత్ర యూనిట్ సందడి చేసింది . చిత్ర ప్రమోషన్ లో భాగంగా మురళి ఫార్చ్యూన్ రోడ్ లోని ఒక హోటల్ లో ఏర్పాటు చేసిన విలేకరుల సమావేశం లో చిత్ర హీరో శివ కందుకూరి మాట్లాడుతూ భూతద్దం భాస్కర్ నారాయణ చిత్రం హార్రర్ కామెడీ తో కూడిన పూర్తి వినోదాత్మక చిత్రమని అన్నారు .మార్చ్ ఒకటవ తేదీ న ప్రేక్షకుల ముందుకు రానుందని తెలియజేశారు . ఇప్పటికే విడుదలైన టీజర్ ట్రైలర్ కు ప్రేక్షకుల నుండి మంచి స్పందన వస్తుందని తెలిపారు . ఆంధ్ర కర్ణాటక సరిహద్దులో జరిగిన హత్యలను దిష్టిబొమ్మ హత్యలుగా సాగే కథలో పోలీసులకు అంతు చిక్కని కేసుని హీరో ఎలా పరిష్కరించాడు అనేది సినిమాలో చూడవచ్చని అన్నారు . ఒక్క క్లూ కూడా వదలకుండా హత్యలు చేసే ఓ సీరియల్ కిల్లర్ కేసుని డిటెక్టివ్ భూతద్దం భాస్కర్ నారాయణ ఎలా పరిష్కరించాడు అనేది చాలా థ్రిల్లింగ్ గా ఉంటుందన్నారు. ఈ చిత్రాన్ని ప్రేక్షకులు ఆదరించాలని కోరారు. అనంతరం హీరోయిన్ రాసి సింగ్ మాట్లాడుతూ విజయవాడ నగరం నుంచి తమ చిత్రం ప్రమోషన్ కార్యక్రమం ప్రారంభించడం ఎంతో సంతోషంగా ఉందన్నారు. దుర్గమ్మ దర్శనంతో తమ చిత్ర ప్రమోషన్ ప్రారంభమైందని రాష్ట్రంలోని పలు ప్రాంతాలలో ప్రమోషన్ కార్యక్రమం నిర్వహించనున్నామని తెలియజేశారు. చిన్న చిత్రాలను ప్రేక్షకులు ఆదరించాలని ఆమె కోరారు. తదనంతరం కమెడియన్ అరుణ్ కుమార్ మాట్లాడుతూ క్రైమ్ కామెడీ ఎంటర్టైన్మెంట్ గా సాగే ఈ చిత్రంలో తన క్యారెక్టర్ ప్రేక్షకులను ఎంతగానో కడుపుబ్బ నవ్విస్తుందన్నారు. విలేకరుల సమావేశంలో శశిధర్, కార్తీక్ నిర్మాతలు పాల్గొన్నారు.