ఆంధ్రప్రదేశ్ ఆదర్శ పాఠశాలలలో 2024-25 విద్యా సంవత్సరములోఇంటర్మీడియట్ మొదటి సంవత్సరం ప్రవేశాలు

విజయవాడ, నేటి పత్రిక ప్రజావార్త :
ఆంధ్రప్రదేశ్ లోని 162 మోడల్ స్కూల్స్ (ఆదర్శ పాఠశాల) లో 2024-25 విద్యా సంవత్సరమునకు ఇంటర్మీడియట్ మొదటి సంవత్సరంలో విద్యార్థుల ప్రవేశము కొరకై ఆన్ లైన్ ద్వారా MPC /Bi.PC/MEC /CEC గ్రూప్ లలో ఉచిత విద్య పొందగోరు విద్యార్థుల నుండి దరఖాస్తులు కోరబడుచున్నవి. ఈ ఆదర్శ పాఠశాలలలో బోధనామాధ్యమము ఆంగ్లములో ఉందును. ఈ పాఠశాలలో విద్యనభ్యసించుటకు ఎటువంటి ఫీజులు వసూలు చేయబడవు.
ప్రవేశ అర్హతలు:
1. సంబంధిత జిల్లాల్లో ప్రభుత్వ లేక ప్రభత్వ గుర్తింపు పొందిన పాఠశాలల్లో 10 వ తరగతి లో ఉత్తీర్ణులైన విద్యార్థులు మాత్రమే దరఖాస్తు చేసుకోవాలి. దరఖాస్తు చేయడానికి ముందుగా వివరాలతో కూడిన సమాచారము కొరకు వెబ్సైట్ https://apms.apcfss.in/ మరియు https://cse.ap.gov.in/ చూడగలరు.
2. దరఖాస్తు చేయు విధానము: అభ్యర్థులు పైన తెలుపబడిన అర్హత పరిశీలించి సంతృప్తి చెందిన తర్వాత తేదీ. 28.03.2024 నుండి 22.05.2024 వరకు net banking/credit/debit card లను ఉపయోగించి gate way ద్వారా అప్లికేషన్ రుసుము చెలించిన తరువాత వారికి ఒక జనరల్ నెంబరు కేటాయించబడును. ఆ జనరల్ నెంబరు ఆధారంగా వెబ్ సైట్ https://apms.apcfss.in/ మరియు https://cse.ap.gov.in/ లో దరఖాస్తు చేసుకొనవలయును.
3. దరఖాస్తు చేయడానికి రుసుము: OC, BC మరియు EWS లకు రూ. 200/- (అక్షరములా రెండు వందల రూపాయలు మాత్రమే) SC మరియు ST లకు రూ.150/- (అక్షరములా నూట యాబై రూపాయలు మాత్రమే).
4. ప్రవేశములు 10వ తరగతి మార్కుల మెరిట్ ద్వారా రిజర్వేషన్ రూల్స్ ప్రకారం ఇవ్వబడును. ఇతర వివరములకు ఆదర్శ పాఠశాల ప్రిన్సిపాల్ ను గాని లేక సంబంధిత జిల్లా విద్యాశాఖాధికారిని / మండల విద్యాశాఖాధికారిని సంప్రదించగలరు.