పెంచలకోన శ్రీ పెనుశిల లక్ష్మీ నరసింహస్వామిని దర్శించుకున్న చంద్రబాబు నాయుడు

నెల్లూరు, నేటి పత్రిక ప్రజావార్త :
ఉమ్మడి నెల్లూరు జిల్లా వెంకటగిరిలోని పెంచలకోన శ్రీ పెనుశిల లక్ష్మీ నరసింహస్వామి వారిని తెలుగుదేశం పార్టీ జాతీయ అధ్యక్షుడు నారా చంద్రబాబు నాయుడు దర్శించుకున్నారు. అడవులు, కొండల మధ్య కొలువైన స్వామివారి దర్శనం ఎంతో సంతోషాన్ని, సంతృప్తిని ఇచ్చిందన్నారు. ప్రజల కోసం పోరాడే శక్తిని, పనిచేసే సామర్థ్యాన్ని ఇవ్వాలని స్వామివారిని వేడుకున్నానన్నారు. రాబోయే రోజుల్లో రాష్ట్రానికి, ప్రజలకు అంతా మంచి జరగాలని స్వామి వారిని ప్రార్థించానని నారా చంద్రబాబు నాయుడు అన్నారు.