పశ్చిమ నియోజకవర్గ బిజెపి ఎన్నికల కార్యాలయం ప్రారంభం

విజయవాడ, నేటి పత్రిక ప్రజావార్త :
పశ్చిమ నియోజకవర్గంలో స్వాతి రోడ్డులో బిజెపి, టిడిపి, జనసేన ఉమ్మడి కార్యాలయం గురువారం అట్టహాసంగా ప్రారంభించబడినది. ముందుగా పశ్చిమ నియోజకవర్గ అభ్యర్థి సుజన చౌదరి, విజయవాడ ఎంపీ అభ్యర్థి కేసినేని చిన్ని (శివనాద్ ) వన్ టౌన్ వినాయకుని గుడిలో పూజల నిర్వహించి తదుపరి దుర్గమ్మని దర్శించుకుని అనంతరం భవానిపురం హజరత్ గాలిబ్ షాహిద్ దర్గాలో ప్రత్యేక ప్రార్థనలో పాల్గొన్నారు. అనంతరం భవానిపురం స్వాతి రోడ్ లో ఏర్పాటు చేసిన పశ్చిమ నియోజకవర్గం బిజెపి కార్యాలయం ఎంపీ అభ్యర్థి కేశినేని చిన్ని చేతుల మీదుగా లాంచనంగా ప్రారంభించారు. ఈ సందర్భంగా మాట్లాడుతూ పశ్చిమ నియోజకవర్గం అభ్యర్థిగా టిడిపి, జనసేన బలపరిచిన కూటమి అభ్యర్థిగా బిజెపి నుండి సుజన చౌదరిని కలిసికట్టుగా గెలిపించుకోవాల్సిన అవసరం ఉందని పేర్కొన్నారు. అనంతరం భవానిపురం ఊర్మిళ నగర్ చర్చ్ నందు ప్రత్యేక ప్రార్థనలో పాల్గొన్నారు. ఈ కార్యక్రమంలో బుద్ధ వెంకన్న, నాగుల్ మీరా, జలీల్ ఖాన్, ఎంఎస్ బేగ్, బొమ్మసాని సుబ్బారావు, బిజెపి ఎన్టీఆర్ జిల్లా అధ్యక్షుడు అడ్డూరి శ్రీరామ్ , బిజెపి రాష్ట్ర కార్యవర్గ సభ్యుడు బొబ్బూరి శ్రీరామ్, బిజెపి పశ్చిమ నియోజకవర్గం కన్వీనర్ పొట్టి శ్రీహరి, బిజెపి ఓబీసీ మోర్చా కోశాధికారి బి ఎస్ కే పట్నాయక్, బిజెపి ప్రధాన కార్యదర్శి శ్రీధర్, బిజెపి రాష్ట్ర నాయకులు, బిజెపి అభిమానులు టిడిపి అభిమానులు టిడిపి రాష్ట్ర నాయకులు జనసేన పార్టీ నాయకులు అభిమానులు తదితరులు పాల్గొన్నారు.