విజయవాడ ప్రెస్ క్లబ్ లో ఇఫ్తార్ విందు

విజయవాడ, నేటి పత్రిక ప్రజావార్త :
ముస్లిం సోదర సోదరీమణులకు పర్వదినమైన రంజాన్ సందర్భంగా ఆంధ్రప్రదేశ్ యూనియన్ ఆఫ్ వర్కింగ్ జర్నలిస్ట్ విజయవాడ యూనిట్, ప్రెస్ క్లబ్ సంయుక్త ఆధ్వర్యంలో శుక్రవారం ప్రెస్ క్లబ్ లో ఇఫ్తార్ విందు నిర్వహించారు. జనాబ్ అల్తాఫ్ రజా హాజరై నమాజ్ నిర్వహించారు. ప్రింట్ ఎలక్ట్రానిక్ మీడియా జర్నలిస్టుల వారి వృత్తిలో దినదినాభివృద్ధి చెందాలని ఆశీర్వదించారు. జర్నలిస్టులు అధిక సంఖ్యలో ఈ కార్యక్రమానికి హాజరయ్యారు. సత్యనారాయణపురం పోలీస్ స్టేషన్ సిఐ వెంకట్ నారాయణ గవర్న పేట సిఐ డి .వెంకటరమణ ముఖ్యఅతిథిగా హాజరయ్యారు. ఈ కార్యక్రమంలో జర్నలిస్ట్ నాయకులు సీనియర్ జర్నలిస్టు ఎస్కే బాబు ,సామ్నా రాష్ట్ర కార్యదర్శి సిహెచ్ రమణా రెడ్డి,ఏపీడబ్ల్యూజే విజయవాడ యూనిటీ అధ్యక్షులు చావా రవి, విజయవాడ ప్రెస్ క్లబ్ రాష్ట్ర కార్యదర్శి దాసరి నాగరాజు, కోశాధికారి ఎండి హుస్సేన్ ,సామ్నా విజయవాడ అధ్యక్షులు ఎంవి సుబ్బారావు ,యూనియన్ కార్య వర్గ సభ్యులు జీవన్ కుమార్, డి శ్రీనివాస్, భద్రం, ఎన్ సుధాకర్ రెడ్డి ,ప్రముఖ మిమిక్రీ ఆర్టిస్టు సిల్వెస్టర్, ఎస్.కె నాగూర్ మస్తాన్ తదితరులు హాజరయ్యారు.