శ్రీ గరుడాచల వేంకటేశ్వరస్వామి, శ్రీ మహాలక్ష్మి అమ్మవారిని దర్శించుకున్న సుజనా చౌదరి

విజయవాడ, నేటి పత్రిక ప్రజావార్త :
బిజేపీ, టీడీపి, జనసేన కూటమి ఎమ్మెల్యే అభ్యర్థి వై.సుజనాచౌదరి ఎన్నికల ప్రచారంలో భాగంగా చిట్టినగర్‌లోని శ్రీ గరుడాచల వేంకటేశ్వరస్వామి, శ్రీ మహాలక్ష్మి అమ్మవారి ఆలయాలను సందర్శించారు. అనంతరం ఆలయ కమిటీ పెద్దల సమక్షంలో వేద పండితులు ఆశీర్వచనం అందించారు. శుక్రవారం చిట్టినగర్‌లోని నగరాల సీతారామస్వామి, శ్రీ మహాలక్ష్మి అమ్మవారి దేవస్థానంలో సుజనా చౌదరి మాట్లాడుతూ స్వామి వారి ఆశీస్సులతో నియోజకవర్గ అభివృద్ధి కోసం పాటుపడతామని, ప్రజలందరికీ అందుబాటులో ఉంటూ అందరినీ కలుపుకెళ్తామని తెలిపారు. విజయవాడ నగరాల సంఘ పెద్దలు స్వాగతించటం ఆదరణీయమని బిజెపి ఎమ్మెల్యే అభ్యర్థి వై.సుజనాచౌదరి అన్నారు. శ్రీ నగరాల సీతారామస్వామి, శ్రీ మహాలక్ష్మి అమ్మవారి దేవస్థానం కమిటీ ప్రధాన కార్యదర్శి డాక్టర్‌ మరుపిళ్ళ హనుమంతరావు మాట్లాడుతూ అభివృద్ధికాంక్షుడు, మృదుస్వభావి పశ్చిమ నియోజకవర్గ బిజెపి ఎమ్మెల్యే అభ్యర్థి సృజనా చౌదరి అమ్మవారి ఆశీస్సులు పొందటం అదృష్టమన్నారు. విజయం సాధించి నగరాభివృద్ధితోపాటు, పోలవరం ప్రాజెక్టు పూర్తి చేసి రాష్ట్ర అభివృద్ధికి తోడ్పడతారని కొనియాడారు. ఈ కార్యక్రమంలో ఆలయ కమిటీ అధ్యక్షులు లింగిపల్లి అప్పారావు, కార్యవర్గ సభ్యులు పోతిన బేసికంఠేశ్వరుడు, పిళ్ళా శ్రీనివాసరావు, మరుపిళ్ల తిరుమలేశు, పి.ధర్మరావు, నాయకులు అడ్డూరి శ్రీరామ్‌, భోగవల్లి శ్రీధర్‌, బి శివకుమార్‌ పట్నాయక్‌, జి.రవికృష్ణ, ఎం.ఎస్‌.బేగ్‌, ఎన్‌.భానుప్రకాష్‌, ఉప్పూడి రాము తదితరులు పాల్గొన్నారు.