డా.బి.ఆర్. అంబేద్కర్ విగ్రహానికి పూల మాలలు సమర్పించి ఘనంగా నివాళులు అర్పించిన జిల్లా కలెక్టర్ ప్రవీణ్ కుమార్

తిరుపతి, నేటి పత్రిక ప్రజావార్త :
భారత రాజ్యాంగ నిర్మాత మరియు భారత రత్న డా.బి.ఆర్ అంబేద్కర్ గారి 133 వ జయంతి మహోత్సవ సందర్భంగా జిల్లా సాంఘిక సంక్షేమ శాఖ వారి ఆధ్వర్యంలో ఏర్పాటు చేసిన కార్యక్రమంలో స్థానిక ఆర్టీసీ బస్ స్టేషన్ కూడలి వద్ద గల డా.బి.ఆర్. అంబేద్కర్ విగ్రహానికి నేటి ఆదివారం జిల్లా కలెక్టర్ ప్రవీణ్ కుమార్ తిరుపతి నగరపాలక సంస్థ కమిషనర్ అదితి సింగ్ తో కలిసి పూలమాలలు సమర్పించి ఘనంగా నివాళులు అర్పించారు. ఈ కార్యక్రమంలో తిరుపతి ఆర్డీఓ నిషాంత్ రెడ్డి, జిల్లా సాంఘిక సంక్షేమ మరియు సాధికార అధికారి చెన్నయ్య, సిబ్బంది తదితర అధికారులు పాల్గొన్నారు.