Prajavartha Online Telugu News
-వైయస్ఆర్ సిపి యువజన విభాగం రాష్ట్ర కార్యదర్శి, గొల్లపూడి వైయస్సార్ సిపి యూత్ ఫోర్స్ నాయకుడు జి.రవికుమార్
విజయవాడ, నేటి పత్రిక ప్రజావార్త :
దివంగత మహానేత డాక్టర్ వైఎస్ రాజశేఖర్ రెడ్డి 72వ జయంతి వేడుకలు వాడవాడలా ఘనంగా జరిగాయి. ఈ సందర్భంగా వైఎస్ఆర్ విగ్రహానికి వైయస్ఆర్ సిపి యువజన విభాగం రాష్ట్ర కార్యదర్శి, గొల్లపూడి వైయస్సార్ సిపి యూత్ ఫోర్స్ నాయకుడు జి.రవికుమార్ పూలమాలలు వేసి ఘనంగా నివాళులర్పించారు. గురువారం నగరంలో జరిగిన ఒక కార్యక్రమంలో ఈ సందర్భంగా వైయస్ఆర్ సిపి యువజన విభాగం రాష్ట్ర కార్యదర్శి, గొల్లపూడి వైయస్సార్ సిపి యూత్ ఫోర్స్ నాయకుడు జి.రవికుమార్ మాట్లాడుతూ మరణం లేని మహానేత…ఓటమి ఎరుగని మగ మహారాజు…తెలుగు ప్రజల గుండె చప్పుడు, బడుగు, బలహీన వర్గాల ఆశా జ్యోతి…రైతు బంధువు…ప్రత్యర్థుల పాలిట సింహ స్వప్నం…మన దివంగత మహానేత డాక్టర్ వైయస్ రాజశేఖరరెడ్డి అని అన్నారు. వైయస్సార్ ప్రవేశపెట్టిన పథకాలను ఒకసారి గుర్తుచేశారు. ఆరోగ్య శ్రీ, ఫీజ్ రియంబర్స్ మెంట్, మైనారిటీలకు రిజర్వేషన్ గురించి, వ్యవసాయానికి వైయస్సార్ ప్రవేశపెట్టిన పథకాలను కొనియాడారు. రాష్ట్ర చరిత్రలో తొలిసారిగా రైతుల కోసం ఉన్న ఊరిలోనే వ్యవసాయానికి అవసరమైన సకల వసతులు, సదుపాయాలను కల్పించిన ఘనత ముఖ్యమంత్రి వైఎస్ జగన్‌మోహన్‌రెడ్డికే దక్కుతుందని అన్నారు. రైతుల గురించి గతంలో దివంగత ముఖ్యమంత్రి వైఎస్ రాజశేఖర్ రెడ్డి ఆలోచించారని, ఇప్పుడు ఆయన తనయుడు, ముఖ్యమంత్రి జగన్ ఇంకా సూక్ష్మ స్థాయిలో ఆలోచన చేసి రైతుల కోసం గ్రామాల్లోనే పెద్ద ఎత్తున మౌలిక వసతులు కల్పిస్తున్నారని తెలిపారు. మహనేత పుట్టిన రోజున రైతు దినోత్సవం జరుపుకోవడం అ మహనీయినికి మనం ఇచ్చే నిజమైన నివాళులని తెలిపారు. బడుగు బలహీన వర్గాలకు సంక్షేమ ఫలాలు, పేదలకు ఇల్లు, విద్యా, ఉద్యోగ, వైద్య రంగాల్లో యువతకు అన్ని రకాల అవకాశాలు కల్పిస్తూ, కార్మికులకు మహిళలకు ఆర్థికంగా ఆదుకుంటూ నవరత్నాలు అందిస్తూ, ఎస్సీ, ఎస్టీ, బిసి, మైనార్టీ, ఓసి అన్ని వర్గాల వారికి సమన్యాయం చేస్తున్న ఘనత ముఖ్యమంత్రి జగన్ మోహన్ రెడ్డి కి దక్కిందన్నారు. మహనేత అశయాలను యువనేత జగన్మోహనరెడ్డి కొనసాగించడం పట్ల హర్షం వ్యక్తం చేశారు. రానున్న కాలంలో మనమందరం ఆయన అడుగుజాడలలో నడవాలన్నారు. అనంతరం కేక్ కట్ చేసి పండ్లు, స్వీట్లు పంపిణీ చేశారు. ఈ కార్యక్రమంలో వైఎస్ఆర్ సీపీ నాయకులు, కార్యకర్తలు, అభిమానులు, మహిళలు తదితరులు పాల్గొన్నారు.
