ప్రకృతి వైపరీత్యాల బారిన పడిన రాష్ట్రాల ప్రజలు పడుతున్న ఇబ్బందులను గమనించి ఆదుకుంటామని మోదీ ప్రభుత్వ భరోసా

-రాష్ట్ర విపత్తు ప్రతిస్పందన నిధి (SDRF) నుంచి కేంద్ర వాటాగా బయానా (అడ్వాన్స్‌) గా జాతీయ విపత్తు ప్రతిస్పందన నిధి (NDRF)గా 14వరద ప్రభావిత ప్రాంతాలకు రూ. 5858.60 కోట్లు విడుదల
-వరద ప్రభావిత రాష్ట్రాలైన అస్సాం, మిజోరాం, కేరళ, త్రిపుర, నాగాలాండ్, గుజరాత్, ఆంధ్రప్రదేశ్, తెలంగాణ, ఇంకా మణిపూర్ రాష్ట్రాలకు అంతర్ మంత్రిత్వ శాఖల కేంద్ర బృందాలను (IMCT) అక్కడికక్కడే నష్టపరిహారాన్ని అంచనా వేయడానికి పంపిన కేంద్రం 
-రాష్ట్ర విపత్తు ప్రతిస్పందన నిధి (SDRF) నుంచి జాతీయ విపత్తు ప్రతిస్పందన నిధి (NDRF) నుంచి బయానా నగదుగా ఆంధ్రప్రదేశ్‌కు రూ.1,036 కోట్లు విడుదల చేయడానికి కేంద్ర ప్రభుత్వం ఆమోదం
-IMCTల అంచనా నివేదికలు అందిన తర్వాత, ఏర్పాటు చేసిన విధానం ప్రకారం, విపత్తు ప్రభావిత రాష్ట్రాలకు NDRF నుంచి అదనపు ఆర్థిక సహాయం ఆమోదం
-ప్రధాన మంత్రి నరేంద్ర మోదీ నాయకత్వంలో కేంద్ర హోం మంత్రి అమిత్ షా మార్గదర్శకత్వంలో ఈ సంవత్సరంలో 21 రాష్ట్రాలకు నిధులు రూ. 14,958 కోట్లకు పైగా విడుదల

ఢిల్లీ, నేటి పత్రిక ప్రజావార్త :
హోం వ్యవహారాల మంత్రిత్వ శాఖ (MHA) రాష్ట్ర విపత్తు ప్రతిస్పందన నిధి (SDRF) నుంచి కేంద్ర వాటాగా జాతీయ విపత్తు ప్రతిస్పందన నిధి (NDRF) అడ్వాన్స్‌గా 14 వరద ప్రభావిత రాష్ట్రాలకు రూ. 5858.60 కోట్లను విడుదల చేసింది. ఇందులో మహారాష్ట్రకు రూ. 1492 కోట్లు, ఆంధ్రప్రదేశ్‌కు రూ. 1036 కోట్లు, అస్సాంకు రూ. 716 కోట్లు, బీహార్‌కు రూ. 655.60 కోట్లు, గుజరాత్‌కు రూ. 600 కోట్లు, హిమాచల్ ప్రదేశ్‌కి రూ. 189.20 కోట్లు, కేరళకు రూ. 145.60 కోట్లు, రూ. 50 కోట్లు ఉన్నాయి. మణిపూర్, మిజోరాంకు రూ. 21.60 కోట్లు, నాగాలాండ్‌కు రూ. 19.20 కోట్లు, సిక్కింకు రూ. 23.60 కోట్లు, తెలంగాణకు రూ. 416.80 కోట్లు, త్రిపురకు రూ. 25 కోట్లు, పశ్చిమ బెంగాల్‌కు రూ. 468 కోట్లు, ఈ విపత్తు సహాయ నిధి పేర్కొన్న రాష్ట్రాలు అత్యంత భారీ వర్షాల కారణంగా దెబ్బతిన్నాయి. ఈ సంవత్సరం నైరుతి రుతుపవనాల సమయంలో వరదలు కొండచరియలు విరిగిపడ్డాయి.

ప్రధాన మంత్రి నరేంద్ర మోదీ నాయకత్వంలో కేంద్ర హోం మంత్రి సహకార మంత్రి అమిత్ షా మార్గదర్శకత్వంలో, ప్రజలు ఎదుర్కొంటున్న కష్టాలను తగ్గించడంలో ప్రకృతి వైపరీత్యాల బారిన పడిన రాష్ట్రాలకు మోదీ ప్రభుత్వం దన్నుగా నిలుస్తుంది. వరద ప్రభావిత రాష్ట్రాలైన అస్సాం, మిజోరం, కేరళ, త్రిపుర, నాగాలాండ్, గుజరాత్, ఆంధ్రప్రదేశ్, తెలంగాణ మణిపూర్ రాష్ట్రాలకు అంతర్ మంత్రిత్వ శాఖల కేంద్ర బృందాలను (IMCT) అక్కడికక్కడే నష్టపరిహారాన్ని అంచనా వేయడానికి పంపారు. అంతేకాకుండా, ఇటీవల వరదల వల్ల ప్రభావితమైన బీహార్ పశ్చిమ బెంగాల్ రాష్ట్రాల్లో జరిగిన నష్టాన్ని అక్కడికక్కడే అంచనా వేయడానికి IMCTలు త్వరలో పంపనున్నారు. IMCTల అంచనా నివేదికలు అందిన తర్వాత, ఏర్పాటు చేసిన విధానం ప్రకారం, విపత్తు ప్రభావిత రాష్ట్రాలకు NDRF నుంచి అదనపు ఆర్థిక సహాయం ఆమోదిస్తారు.

ప్రధాన మంత్రి నరేంద్ర మోదీ నాయకత్వంలో కేంద్ర హోం మంత్రి అమిత్ షా మార్గదర్శకత్వంలో ఈ సంవత్సరంలో 21 రాష్ట్రాలకు ఇప్పటికే రూ. 14,958 కోట్లకు పైగా నిధులు విడుదలయ్యాయి. ఇందులో 21 రాష్ట్రాలకు SDRF నుంచి రూ. 9044.80 కోట్లు, NDRF నుంచి 15 రాష్ట్రాలకు రూ. 4528.66 కోట్లు రాష్ట్ర విపత్తు ఉపశమన నిధి (SDMF) నుంచి 11 రాష్ట్రాలకు రూ. 1385.45 కోట్లు విడుదలైన జాబితాలో ఉన్నాయి. ఆర్థిక సహాయంతో పాటు, వరద ప్రభావిత రాష్ట్రాలన్నింటికీ అవసరమైన NDRF బృందాలు, ఆర్మీ బృందాలు వైమానిక దళ మద్దతుతో సహా అన్ని రకాల రవాణా సదుపాయ సమన్వయ సహాయాన్ని కూడా కేంద్ర ప్రభుత్వం అందించింది.