జాబ్ మేళా సద్వినియోగం చేసుకోవాలి

రాజానగరం/ రాజమహేంద్రవరం , నేటి పత్రిక ప్రజావార్త :
2024 అక్టోబర్ 22 వ తేదీన ఉదయం 9 గంటలకు రాజానగరం ఎంపీడీవో కార్యాలయంలో నిరుద్యోగ యువతకు జాబ్ మేళా నిర్వహించనున్నట్లు తూర్పు గోదావరి జిల్లా నైపుణ్యభివృద్ధి అధికారి గంటా సుధాకర్ ఆదివారం ఒక ప్రకటనలో తెలిపారు. జిల్లా ఉపాధి కల్పనా అధికారి, జిల్లా నైపుణ్యాభివృద్ధి అధికారి సంయుక్త ఆధ్వర్యంలో ఈ జాబ్ మేళా నిర్వహించనున్నట్లు తెలిపారు. ఈ జాబ్ మేళా లో మూడు కంపెనీలు పాల్గొననున్నట్లు జిల్లా ఉపాధి కల్పన అధికారి హరిశ్చంద్ర ప్రసాద్ తెలియ చేశారు.

విద్యార్హతలు : ఎస్.ఎస్.సి /ఇంటర్/డిగ్రీ /డిప్లొమా, ఐ టి ఐ, బి/డి/యం ఫార్మసీ,ఎంబిఏ విద్యార్హతలు గల 19 నుండి 30 సం. వయసు వారికి ఇందులో ఉద్యోగ అవకాశాలు కల్పించనున్నట్లు తెలియచేశారు. కాబట్టి జిల్లాలోని ఆసక్తి ఉన్న నిరుద్యోగ యువత, అర్హులైన నిరుద్యోగ అభ్యర్థులు అందరూ https://forms.gle/9FBZ52Kg8CtvKCLD9 నందు తమ పూర్తి వివరాలతో రిజిస్టర్ అయ్యి సదరు ” జాబ్ మేళా” కు రెజ్యూమెలతో పాటు హజరు కావాలని కోరడం జరిగింది. ఆధార్, ఇతర సర్టిఫికెట్ల జిరాక్సు కాపీలతో, సిద్ధపడి ఈనెల 22 వ తేదీ మంగళవారం ఉదయం 10 గంటలకు ఎంపీడీవో ఆఫీస్ రాజానగరం వద్దకు రావాలని వారు తెలియ చేశారు.

మరిన్ని వివరాలకు “,8328507473” లేదా 7396740041 నంబర్ల ను కార్యాలయ పని వేళల్లో సంప్రదించాలని సూచించారు.