PRAISE అవార్డుకు ఎంపికైన విజయవాడ నగరపాలక సంస్థ

-మున్సిపల్ మినిస్టర్ చేతుల మీదుగా అవార్డు అందుకోనున్న విజయవాడ నగరపాలక సంస్థ కమిషనర్ ధ్యానచంద్ర

విజ‌య‌వాడ, నేటి పత్రిక ప్రజావార్త :
MEPMA వారి ఆధ్వర్యం లో జరగనున్న PRAISE అవార్డ్ 2023-2024 ను అక్టోబర్ 29, 2024న తుమ్మలపల్లి కళాక్షేత్రంలో ఆంధ్ర రాష్ట్ర పురపాలక శాఖ మంత్రివర్యులు గౌరవనీయులైన పొంగూరు నారాయణ గారి చేతుల మీదుగా విజయవాడ నగరపాలక సంస్థ కమిషనర్ ధ్యానచంద్ర అందుకొనున్నారు. కేంద్ర ప్రభుత్వం వారి DAY-NULM ( దీన్ దయాల్ అంటోద్యయ యోజన – నేషనల్ అర్బన్ లైవ్లీహుడ్ మిషన్) లో భాగంగా రాష్ట్రస్థాయిలో ఉత్తమ పర్ఫామెర్గా ఎంపికై PRAISE (పర్ఫామెన్స్ రికగ్నిషన్ ఫర్ యాక్సిస్ టు ఫైనాన్షియల్ ఇంక్లూషన్ అండ్ స్ట్రీట్ వెండార్స్ ఎంపవర్మెంట్) అవార్డు అందుకోనున్న విజయవాడ నగర పాలక సంస్థ. నేషనల్ అర్బన్ లవ్లీ హుడ్ మిషన్ లో భాగంగా వీధివిక్రయదారులకు ఎక్కువ శాతం లో రుణాలు కల్పించి, వారి ఆర్థిక స్థితిగతులను ప్రోత్సహిస్తున్నందుకు విజయవాడ నగర పాలక సంస్థ, మెగా అండ్ మిలియన్ ప్లస్ సిటీస్ క్యాటగిరీలో బెస్ట్ పెర్ఫార్మర్ గా PRAISE అవార్డు 2023-2024 సంవత్సరమునకు ఎంపికైంది.