నాగబాబు అజాతశత్రువు… : ఎమ్మెల్యే సుజనా చౌదరి

విజయవాడ, నేటి పత్రిక ప్రజావార్త :
భవానిపురంలోని ఎన్డీఏ కార్యాలయంలో జనసేన పార్టీ ప్రధాన కార్యదర్శి, పిఎసి సభ్యులు కొణిదల నాగబాబు జన్మదిన వేడుకలు మంగళవారం ఘనంగా నిర్వహించారు. జనసేన పార్టీ 47వ డివిజన్ అధ్యక్షులు వేంపల్లి గౌరీ శంకర్ ఆధ్వర్యంలో జరిగిన ఈ జన్మదిన వేడుకల్లో పశ్చిమ శాసనసభ్యులు యలమంచిలి సత్యనారాయణ (సుజన చౌదరి) ముఖ్యఅతిథిగా పాల్గొని కేక్ కట్ చేశారు. అనంతరం ఆయన మాట్లాడుతూ జనసేన పార్టీ బలోపేతానికి కొణిదల నాగబాబు విశేషమైన కృషి చేశారన్నారు. అజాతశత్రువుగా పేరు పొందిన నాగబాబు ఆయురారోగ్యాలతో ఉండాలని ఆకాంక్షించారు. ఆయన మరెన్నో పుట్టినరోజులను జరుపుకోవాలని ఉన్నత శిఖరాలను, అధిరోహించాలని కోరారు. ఈ కార్యక్రమంలో జనసేన నేతలు రాజా నాయుడు, కృష్ణ ప్రసాద్, తమ్మిన లీల ప్రసాద్, గన్ శంకర్, కూరాకుల సురేష్, బత్తుల వెంకటేష్, ప్రదీప్ రాజ్, ఆకుల శంకర్, బాధర్ల శివ, ముద్రబోయిన దేవకి తదితరులు పాల్గొన్నారు.