గౌతమీ జీవ కారుణ్య సంఘము హాస్టల్ నందు విద్యార్థులకు స్వీట్స్ మరియు పుస్తకములు పంపిణీ

రాజమహేంద్రవరం, నేటి పత్రిక ప్రజావార్త :
రెవిన్యూ డివిజన్ అధికారి రాజమహేంద్రవరం ఆర్ కృష్ణ నాయక్ గురువారం చిల్డ్రన్స్ డే సందర్భముగా రాజమహేంద్ర వరం అర్బన్ పరిధిలో గల గౌతమీ జీవ కారుణ్య సంఘము హాస్టల్ నందు విద్యార్థులకు స్వీట్స్ మరియు పుస్తకములు పంపిణీ చేసియున్నారు. ఈ సందర్భంగా ఆర్డీవో కృష్ణ నాయక్ మాట్లాడుతూ, జీవ కారుణ్య సంఘం లోని చిన్నారులతో బాలల దినోత్సవ వేడుకల్లో పాల్గొనడం ప్రత్యేక అనుభూతిని కలిగించిందని పేర్కొన్నారు. వారికీ మనం అండగా ఉన్నామనే భరోసా కల్పించడం కోసం అనాధ పిల్లలతో గడపడం జరిగిందన్నారు. చిన్నారుల్లో ఆత్మ విశ్వాసం పెంచేలా స్ఫూర్తి నింపే సామాజిక బాధ్యత మనపై ఉందన్నారు. ఈ సందర్భంగా చిన్నారులకు స్విట్లు పంచి వారిని అప్యాయంగా పలకరించడం తో చిన్నారులు ఎంతో ఆనందం వ్యక్తం చెయ్యడం జరిగిందని తెలిపారు.