Prajavartha Online Telugu News
-వెలువెత్తిన అభిమానం
-భారీగా తరలివచ్చిన జనసైనికులు
అమరావతి, నేటి పత్రిక ప్రజావార్త :
మంగళగిరి నియోజకవర్గ జనసేన పార్టీ ఇంచార్జీ చిల్లపల్లి శ్రీనివాసరావు ఏపి మెడికల్ సర్వీసెస్ అండ్ ఇన్ఫ్రాస్ట్రక్చర్ చైర్మన్ గా మంగళగిరి ఆటోనగర్ లోని APMSIDC కార్యాలయంలో బాధ్యతలు స్వీకరించారు. చిల్లపల్లి శ్రీనివాసరావు నివాసం వద్ద నుంచి పాదయాత్ర గా అంబేద్కర్ సెంటర్ కు చేరుకున్నారు. అంబేద్కర్ విగ్రహానికి పూలమాల వేసి నివాళులర్పించారు. అంబేద్కర్ సెంటర్ నుంచి మంగళగిరి లోని ఏపి మెడికల్ సర్వీసెస్ అండ్ ఇన్ఫ్రాస్ట్రక్చర్ కార్యాలయం వరకు భారీ ర్యాలీగా చేరుకున్నారు. ఏపి మెడికల్ సర్వీసెస్ అండ్ ఇన్ఫ్రాస్ట్రక్చర్ కార్యాలయం లో వేడిపండితుల ఆశీర్వచనాల నడుమ చైర్మన్ గా బాధ్యతలు స్వీకరించారు. తమ అభిమాన నాయకుడు చిల్లపల్లి శ్రీనివాసరావు చైర్మన్ గా బాధ్యతలు స్వీకరిస్తున్న తరుణంలో శుభాకాంక్షలు తెలిపేందుకు బీసీ సంఘాల ప్రతినిధులు, రాష్ట్ర, జిల్లా, నేతలు, పలువురు రాజకీయ నేతలతో పాటు చిల్లపల్లి అభిమానులు, నాయకులు, జనసైనికులు, వీర మహిళలు భారీగా తరలివచ్చారు.
ఈ సందర్భంగా చిల్లపల్లి శ్రీనివాసరావు మాట్లాడుతూ… నాపై నమ్మకంతో ఈ బాధ్యతలు అప్పగించిన సీఎం చంద్రబాబు నాయుడు మరియు డిప్యూటీ సీఎం పవన్ కళ్యాణ్ కి మరియు మంత్రివర్యులు సత్యకుమార్, లోకేష్లకు ధన్యవాదాలు తెలిపారు. ప్రభుత్వ ఆస్పత్రి లో కార్పొరేట్ వైద్యం అందించడమే తమ లక్ష్యమని అన్నారు. మంగళగిరి ఎమ్మెల్యే నారా లోకేష్ మంగళగిరికి త్వరలోనే 100 పడకల ఆసుపత్రి ప్రజలకు అందుబాటులోకి తీసుకువస్తామని తెలిపారు. ప్రజలకు అందుబాటులో ఉండేందుకు ఈ పదవి మరింత అదృష్టంగా బావిస్తున్నాని తెలియజేశారు. వైద్య సదుపాయాలు మెరుగుపరిచేందుకు కృషి చేస్తామని అన్నారు.
