జాతీయ పతాక రూపకర్త పింగళి వెంకయ్య 142 వ జయంతి నివాళులర్పించిన సబ్ కలెక్టర్ జి.ఎస్.ఎస్.ప్రవీణ్ చంద్

విజయవాడ, నేటి పత్రిక ప్రజావార్త :
భారత జాతీయ పతాక రూపకర్త,స్వాతంత్య్ర సమర యోధులు పింగళి వెంకయ్య నిత్య స్మరణీయులని విజయవాడ సబ్ కలెక్టర్ జి.ఎస్.ఎస్. ప్రవీణ్ చంద్ అన్నారు. సోమవారం పింగళి వెంకయ్య 142 వ జయంతి సందర్భంగా స్థానిక సబ్ కలెక్టర్ కార్యాలయం లో పింగళి వెంకయ్య చిత్రపటానికి సబ్ కలెక్టర్ ప్రవీణ్ చంద్ పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ భారతదేశ ఆత్మ గౌరవానికి ప్రతీకగా నిలిచిన జాతీయ జెండాను రూపొందించిన పింగళి వెంకయ్య గొప్ప దేశభక్తుడని పేర్కొన్నారు. వారి జయంతి సందర్భంగా ఆ మహనీయుడి సేవలను ప్రతి ఒక్కరు స్మరించుకోవాలన్నారు.స్వాతంత్య్ర సమరయోధునిగా ఆయన చేసిన సేవలను మన దేశం ఎప్పుడు మరువదన్నారు. కార్యక్రమంలో కార్యాలయ సిబ్బంది తదితరులు పాల్గొన్నారు.