Prajavartha Online Telugu News
విజయవాడ, నేటి పత్రిక ప్రజావార్త :
నగరంలో ఓం శ్రీ దుర్గామణికంఠ సేవా సమితి ఆధ్వర్యంలో అయ్యప్ప స్వామి పుట్టిన రోజు వేడుకలు ఘనంగా జరిగాయి. సోమవారం బిఆర్‌టిఎస్‌ రోడ్డు, మధురానగర్‌ సెంటర్‌, భానునగర్‌లో జరిగిన ఈ కార్యక్రమానికి ముఖ్య అతిధులుగా మాజీ మంత్రి, ఎమ్మెల్యే వెలంపల్లి శ్రీనివాస్‌, టిడిపి పొలిట్‌బ్యూరో సభ్యులు, సెంట్రల్‌ నియోజకవర్గ టిడిపి ఎమ్మెల్యే అభ్యర్ధి బొండా ఉమాహేశ్వరరావు, టిడిపి నాయకులు బొండా సిద్దార్థ, కార్పొరేటర్‌ లలిత కిషోర్‌లుగా హాజరై పూజా కార్యక్రమాలు నిర్వహించి అయ్యప్ప స్వామివారి పుట్టిన రోజు కార్యక్రమాన్ని నిర్వహించిన నిర్వాహకులను అభినందించారు. ఓం శ్రీ దుర్గామణికంఠ సేవా సమితి ప్రెసిడెంట్‌, నిర్వాహకులు పత్తివాడ దుర్గారావు మాట్లాడుతూ అయ్యప్ప స్వామి పుట్టిన రోజు వేడుకలు సుమారు 10 సంవత్సరాలు నుంచి ఈ కార్యక్రమాలు నిర్వహిస్తున్నామన్నారు. భజన, పూజాకార్యక్రమాలు, అన్నదానం నిర్వహిస్తున్నామన్నారు. ప్రతి పౌర్ణమికి సుమారు 100 మందికి అన్నదాన కార్యక్రమం నిర్వహిస్తున్నారు. భవిష్యత్‌లో కూడా మరిన్ని కార్యక్రమాలు చేయాలని కోరుకుంటున్నామన్నారు. అనంతరం ముఖ్య అతిధులు కూడా అన్నదాన కార్యక్రమంలో పాల్గొని అన్న ప్రసాద వితరణ కావించారు. ఈ కార్యక్రమానికి సహకరించిన స్థానికులకు, పెద్దలకు, కమిటీ సభ్యులు, మిత్రులు అందరికీ ధన్యవాదాలు తెలిపారు. ఈ కార్యక్రమంలో పత్తివాడ దుర్గారావు ఫ్రెండ్‌ సర్కిల్‌, కోరాడ దుర్గారావు, పి.శ్రీనివాస్‌, ఎస్.శ్రీను, గోవిందు, ఎన్‌.శ్రీను తదితరులు, భారీ సంఖ్యలో భక్తులు పాల్గొన్నారు.
