Prajavartha Online Telugu News
-బోధ వ్యాధిని ప్రారంభంలోనే గుర్తించాలి…
విజయవాడ, నేటి పత్రిక ప్రజావార్త :
జాతీయ బోధవ్యాధి నిర్మూలన కార్యక్రమంలో భాగంగా ట్రాన్స్మిషన్ ఎస్సైన్మెంట్ సర్వే ఈ నెల 22 నుండి 30 తేదీ వరకు కృష్ణా జిల్లాలో నిర్వహిస్తున్నారు. దీనిలో భాగంగా సోమవారం అయోధ్య నగర్ లోని శ్రీ శారద విద్యా నిలయంలో ఆరు నుండి ఏడు సంవత్సరాల విద్యార్థులకు ఫైలేరియా కిట్ ద్వారా నిర్ధారణ పరీక్షలు నిర్వహించారు. ఈ సందర్భంగా ఈ వ్యాధి గురించి తెలియజేస్తూ ఈ బోధ వ్యాధి శరీరంలో ఏ అవయవానికి అయినా రావచ్చునని ముఖ్యంగా ఇది కాలు కి వస్తుందని తెలియజేశారు. ప్రారంభంలో ఈ బోధవ్యాధి గుర్తిస్తే తగిన వైద్యం తీసుకోవడం ద్వారా దాన తగ్గించుకోవచ్చని తెలియజేశారు. ఈ వ్యాధి క్యూలెక్స్ ఆడ దోమ కుట్టడం ద్వారా వస్తుందని, ఇది మురికి నీటిలో వృద్ధి చెందుతుందని, కాబట్టి ఇంటి పరిసరాలలో నీటి నిల్వలు లేకుండా, పరిసరాలను పరిశుభ్రంగా ఉంచుకోవటం ద్వారా దోమలు వృద్ధి అరికట్టుట ద్వారా బోధ వ్యాధి నిర్మూలించవచ్చని తెలియజేశారు. ఈ కార్యక్రమానికి సబ్ యూనిట్ ఆఫీసర్ రాజాం రాజు, డాక్టర్ భవ్య, హెల్త్ సూపర్వైజర్ కొప్పాడ శ్రీనివాసరావు, వివిఎస్ఎన్ బాబు, బి రవి కుమార్, ల్యాబ్ టెక్నీషియన్ వై శ్రీధర్, శారద విద్యాలయం హెడ్ మాస్టర్ ఎన్ నారాయణ, సిబ్బంది తదితరులు పాల్గొన్నారు.
