దసరా ఉత్సవాలు ముగింపు సందర్భంగా వన్ టౌన్ పోలీస్ స్టేషన్ ఆవరణలో పూర్ణాహుతి కార్యక్రమం…

విజయవాడ, నేటి పత్రిక ప్రజావార్త :
విజయవాడ నగరంలో ఇంద్రకీలాద్రిపై వేంచేసి ఉన్న శ్రీదుర్గామల్లేశ్వర స్వామి వార్ల దేవస్థానం నందు ది.26.09.2022వ తేదీ నుండి 05.10.2022వ తేదీ వరకు ప్రతిష్టాత్మకంగా జరిగిన దసరా శరన్నవరాత్రి ఉత్సవాల వేడుకలను పురస్కరించుకుని వన్ టౌన్ పోలీస్ స్టేషన్ నందు ప్రతి సంవత్సరం సాంప్రదాయ పద్ధతులను పురస్కరించుకుని పూర్ణాహుతి మరియు అన్నదాన కార్యక్రమం నిర్వహించడం జరుగుతుంది. ఈ సందర్భంగా శుక్రవారం  విజయవాడ, వన్ టౌన్ పోలీస్ స్టేషన్ ఆవరణలో వన్ టౌన్ పోలీసులు ఆధ్వర్యంలో దసరా ఉత్సవాలను పది రోజులు పాటు భక్తి శ్రద్ధలతో నిర్వహించగా, దసరా ముగింపు కార్యక్రమానికి ఎన్.టి.ఆర్.జిల్లా నగర పోలీస్ కమీషనర్ కాంతి రాణా టాటా ఐ.పి.ఎస్. ముఖ్య అతిధిగా విచ్చేసి, వేద పండితులు నిర్వహించిన హోమంనందు పూర్ణాహుతిని సమర్పించి, దసరా మహోత్సవాలకు ముగింపు పలకడం జరిగింది. అనంతరం అన్నదాన కార్యక్రమాన్ని నిర్వహించారు. ఈ కార్యక్రమంలో డి.సి.పి. విశాల్ గున్ని ఐ.పి.ఎస్, పశ్చిమ ఇన్ ఛార్జ్ డి.సి.పి. కొల్లి శ్రీనివాస్, అడ్మిన్ ఇన్ ఛార్జ్ డి.సి.పి.  పి.వెంకటరత్నం, ఎస్.బి.ఏ.డి.సి.పి. సి.హెచ్.లక్ష్మీపతి, ఎస్.ఈ.బి. అడిషనల్ ఎస్.పి. సత్తిబాబు, ట్రాఫిక్ ఏ.డి.సి.పి. సర్కార్, పశ్చిమ ఏ. సి.పి. డా. కే.హనుమంతరావు, ఏ.సి.పి.లు, వన్ టౌన్ ఇన స్పెక్టర్ పి. వెంకటేశ్వర్లు మరియు నగరంలో విధులు నిర్వహిస్తున్న ఇన్స్పెక్టర్లు, ఎస్.ఐలు పోలీస్ సిబ్బంది తదితరులు పాల్గొన్నారు.