విఐటి-ఎపి విశ్వ విద్యాలయం మరియు బోస్టన్ ఐటి సొల్యూషన్స్ (Boston IT Solutions) మధ్య అవగాహన ఒప్పందం…

అమరావతి, నేటి పత్రిక ప్రజావార్త :
విఐటి-ఎపి విశ్వవిద్యాలయం మరియు ఇంటెల్‌ (Intel) మధ్య మెమోరాండం ఆఫ్ అండర్స్టాండింగ్ (MOU) సంతకం కార్యక్రమం నవంబర్ 18, 2021 న వర్చ్యువల్ విధానంలో జరిగింది. ఈ కార్యక్రమంలో విశ్వవిద్యాలయ వైస్ ఛాన్సలర్ డా|| ఎస్.వి. కోట రెడ్డి మరియు ఇంటెల్ కంట్రీ మేనేజర్, సప్లై చైన్, జితేంద్ర చద్దా మెమోరాండం ఆఫ్ అండర్స్టాండింగ్ పై సంతకాలు చేసారు. ఈ MoU యొక్క ముఖ్య ఉద్దేశ్యం విఐటి-ఎపి విశ్వవిద్యాలయంలో ఇంటర్నెట్ ఆఫ్ థింగ్స్ (IOT)లో సెంటర్ ఆఫ్ ఎక్సలెన్స్ను ఏర్పాటు చెయ్యటం. IOT అనేది ఒక అధునాతన సాంకేతికత, ఇది ఇంటర్నెట్ ద్వారా ఒకదానితో ఒకటి కమ్యూనికేట్ చేయగల మరియు డేటాను మార్పిడి చేయగల యంత్రాలు మరియు పరికరాల యొక్క గ్లోబల్ నెట్‌వర్క్‌ను సృష్టించటానికి ఉపయోగపడుతుంది. ఈ సెంటర్ ద్వారా పరిశ్రమకు, విద్యార్థులకు మధ్య ఉన్న అంతరాన్ని తగ్గించడానికి మరియు అధ్యాపకులు, విద్యార్థులు IoT- సంబంధిత సమస్యలపై పరిశోధన చేయడానికి , కొత్త పద్ధతులు మరియు అల్గారిథమ్‌లను అభివృద్ధి చేయడానికి మరియు IOT ద్వారా సామాజిక సమస్యలను పరిష్కరించడానికి అవకాశం కలుగుతోంది. అదేవిధంగా ఇదే రోజున విఐటి-ఎపి విశ్వవిద్యాలయం మరియు బోస్టన్ ఐటి సొల్యూషన్స్ (Boston IT Solutions) మధ్య మెమోరాండం ఆఫ్ అండర్స్టాండింగ్ (MOU) సంతకం కార్యక్రమం కూడా వర్చ్యువల్ విధానంలో జరిగింది. ఈ (MOU) కార్యక్రమంలో ఈ కార్యక్రమంలో విశ్వవిద్యాలయ వైస్ ఛాన్సలర్ డా|| ఎస్.వి. కోట రెడ్డి మరియు గ్లోబల్ హెడ్ అఫ్ ఏ.ఐ. ఎడ్యుకేషన్ అండ్ సోలుషన్స్ లక్ష్మి నాగేశ్వరి మెమోరాండం ఆఫ్ అండర్స్టాండింగ్ పై సంతకాలు చేసారు. ఈ (MOU) యొక్క ముఖ్య ఉద్దేశ్యం ఆర్టిఫిషియల్ ఇంటలిజెన్స్ (AI) మరియు రోబోటిక్స్‌లో తాజా సాంకేతికతలపై ఉమ్మడి పరిశోధన & కన్సల్టెన్సీ పనిని నిర్వహించడం, రియల్‌టైమ్ అప్లికేషన్‌లను సంయుక్తంగా రూపొందించడం. అంతే కాకుండా విద్యార్థులు వారి విద్యా అవసరాలతో పాటు సామర్థ్యాలను పెంపొందించడానికి ఇంజనీరింగ్ వాతావరణంలో పని చేయడంలో అనుభవాన్ని పొందే అవకాశాన్ని కూడా అందిస్తుంది. ఈ కార్యక్రమాలలో విఐటి-ఎపి విశ్వవిద్యాలయ డైరెక్టర్, ఆర్టిఫిషియల్ ఇంటలిజెన్స్ (AI) మరియు రోబోటిక్స్‌ డా|| హరి సీత, డీన్ (స్కూల్ అఫ్ కంప్యూటర్ సైన్సు అండ్ ఇంజనీరింగ్) డా|| ఎస్.వి.సుధా, ఇంటెల్ ప్రోగ్రాం హెడ్ గిరీష్ , డైరెక్టర్ సుమీత్, ప్రదీప్, బోస్టన్ ఐటి సోలుషన్స్ నుండి వెంకట్, విద్యార్థులు, అధ్యాపక సభ్యులు మరియు విశ్వవిద్యాలయ సిబ్బంది హాజరయ్యారు.