రాజమహేంద్రవరం నుండి తొలి పుణ్య క్షేత్ర యాత్ర స్పెషల్

-శనివారం ఉదయం 6 గంటలకు ప్రారంభించనున్న మంత్రులు

రాజమహేంద్రవరం, నేటి పత్రిక ప్రజావార్త :
ఉమ్మడి తూర్పు గోదావరి జిల్లాలో ప్రతి శనివారం రాష్ట్ర పర్యటన శాఖ ఆధ్వర్యంలో ఆరు దివ్య పుణ్య క్షేత్రములు సందర్శన కోసం ఏర్పాట్లు చెయ్యడం జరిగిందనీ, తొలి సర్వీసును రాష్ర్ట పర్యాటక సాంసృతిక & సినిమాటోగ్రఫీ శాఖ మంత్రి కందుల దుర్గేష్ చేతుల మీదుగా శనివారం ప్రారంభించనున్నట్లు పర్యాటక శాఖ ప్రాంతీయ సంచాలకులు వి స్వామి నాయుడు శుక్రవారం ఒక ప్రకటనలో తెలియజేశారు.

అక్టోబర్ 26 శనివారం ఉదయం 6 గంటలకు స్థానిక సరస్వతి ఘాట్ , జిల్లా పర్యాటక శాఖ కార్యాలయం రాజమహేంద్రవరం నుండి తొలి విడతగా ఒక రోజు పుణ్యక్షేత్ర సందర్శన బస్సు బయలుదేరడం జరుగుతోందని ఆయన తెలిపారు. ప్రతి శనివారం ఈ పుణ్యక్షేత్ర సందర్శన బస్సు బయలుదేరుతుందన్నారు. భక్తుల కోరిక మేరకు ఆదివారం కూడా ప్రత్యేక బస్సు సదుపాయం కల్పించడం జరుగుతుందన్నారు.

ఉమ్మడి తూర్పు గోదావరి జిల్లాలోనీ కోరుకొండ – శ్రీ లక్ష్మీ నరసింహ స్వామి వారి దేవస్థానం, అన్నవరం – శ్రీ వీర వేంకట సత్యనారాయణ స్వామి వారి దేవస్థానం పిఠాపురం శ్రీ కుక్కుటేశ్వర స్వామి వారి దేవస్థానం , సామర్లకోట – శ్రీ కుమార భీమేశ్వర స్వామి వారి దేవస్థానం , ద్రాక్షారామం – శ్రీ ద్రాక్షారామ భీమేశ్వర స్వామి వారి దేవస్థానం , వాడపల్లి – శ్రీ వెంకటేశ్వర స్వామి వారి దేవస్థానం సందర్శన నకు ఏర్పాట్లు చెయ్యడం జరిగిందన్నారు. పెద్ద లకి రూ.1000 లు , మూడు నుంచి 10 ఏళ్ల లోపు పిల్లలకు రూ.800 లుగా టికెట్ ధర నిర్ణయించడం జరిగిందన్నారు. టికెట్స్ బుకింగ్ కోసం 9848629341 లేదా 98488 83091 నేరుగా సంప్రదించి టికెట్స్ బుక్ చేసుకునే సౌలభ్యం అందుబాటులొ ఉంచినట్లు తెలిపారు.