కొండ‌వీడు ఫెస్ట్‌ను ఆస్వాదించండి

– ఈ నెల 10, 11 తేదీల్లో ఆహ్లాద‌క‌ర వాతావ‌ర‌ణంలో వినూత్న కార్య‌క్ర‌మాలు
– జిల్లా క‌లెక్ట‌ర్ ఎస్‌.డిల్లీరావు

విజయవాడ, నేటి పత్రిక ప్రజావార్త :
ఈ నెల 10, 11 తేదీల్లో ప‌ల్నాడు జిల్లా, కొండ‌వీడు కోట‌లో ఆహ్లాద‌క‌ర వాతావ‌ర‌ణంలో వినూత్న కార్య‌క్ర‌మాల‌తో కొండ‌వీడు ఫెస్ట్‌-2024 జ‌ర‌గ‌నుంద‌ని.. ఈ ఉత్స‌వాల‌ను ప్ర‌జ‌లు ఆస్వాదించాల‌ని క‌లెక్ట‌ర్ ఎస్‌.డిల్లీరావు అన్నారు. శుక్ర‌వారం క‌లెక్ట‌ర్ క్యాంపు కార్యాల‌యంలో క‌లెక్ట‌ర్ ఎస్‌.డిల్లీరావు.. డీఆర్‌వో వి.శ్రీనివాస‌రావు త‌దిత‌రుల‌తో క‌లిసి కొండ‌వీడు ఫెస్ట్‌-2024 పోస్ట‌ర్‌ను ఆవిష్క‌రించారు. ఈ సంద‌ర్భంగా క‌లెక్ట‌ర్ ఎస్‌.డిల్లీరావు మాట్లాడుతూ కొండ‌వీడు ఫెస్ట్‌లో భాగంగా చారిత్ర‌క వైభ‌వానికి గుర్తుగా ఉన్న కొండ‌వీడు కోట వ‌ద్ద ఈ నెల 10, 11 తేదీల్లో ఉద‌యం 10 గం. నుంచి సాయంత్రం 7 గం. వ‌ర‌కు ప్ర‌త్యేక కార్య‌క్ర‌మాలు జ‌ర‌గ‌నున్న‌ట్లు తెలిపారు. హెలీరైడ్‌, పారా మోటారింగ్‌, హాట్ ఎయిర్‌బెలూన్‌, రాక్ క్లైంబింగ్‌, క‌యాకింగ్ బోటింగ్‌, హార్స్ రైడింగ్‌, సైక‌త శిల్ప ప్ర‌దర్శ‌న‌, ఫ్ల‌వ‌ర్ షో వంటివి ఉంటాయ‌న్నారు. చారిత్ర‌క చాయాచిత్ర ప్ర‌ద‌ర్శ‌న‌తో పాటు ఫుడ్ ఫెస్ట్‌, సైక‌త శిల్ప ప్ర‌ద‌ర్శ‌న, డాన్స్ పోటీలు, చిల్డ్ర‌న్ ప్లే ఎగ్జిబిషన్ ప్ర‌త్యేక ఆక‌ర్ష‌ణ‌గా నిల‌వ‌నున్నాయ‌న్నారు. ఈ అవ‌కాశాన్ని స‌ద్వినియోగం చేసుకోవాల‌ని క‌లెక్ట‌ర్ డిల్లీరావు సూచించారు.