ఎంపీ చిన్ని కృషితో ఏ కొండూరు మండలానికి మరో మేలు

-తిరువూరు నియోజకవర్గం ఏ కొండూరు మండలం లో నివాస ప్రాంతాలకు అనుసంధాన రోడ్డు మంజూరు
-1.815 కోట్ల అంచనా వ్యయంతో 1.71 కిలోమీటర్ల రోడ్డు పనులకు కేంద్రం గ్రీన్ సిగ్నల్.
-ప్రధానమంత్రి గ్రామ్ సడక్ యోజన -4 సంవత్సరం 2026-27 బ్యాచ్ -1 కింద ప్రారంభం కానున్న పనులు
-విజయవాడ పార్లమెంట్ అభివృద్ధి కి కేరాఫ్ అడ్రస్ గా మారిన కేశినేని చిన్ని

విజయవాడ, నేటి పత్రిక ప్రజావార్త :
ఎన్టీఆర్ జిల్లా (ఏ కొండూరు మండలం) ఎన్టీఆర్ జిల్లా తిరువూరు నియోజకవర్గం ఏ కొండూరు మండలానికి ఎంపీ కేశినేని చిన్ని చొరవతో మరో లబ్ధి చేకూరనుంది.ఇప్పటికే విజయవాడ పార్లమెంట్ లో అభివృద్ధి కార్యక్రమాలకు అంబాసిడర్ గా మారిన కేశినేని చిన్ని తాజాగా మరో అభివృద్ధి కార్యక్రమానికి తోడ్పాటు అందించారు తిరువూరు నియోజకవర్గంలో ఏ కొండూరు మండలంలో నివాస ప్రాంతాలకు అనుసంధానం చేసే రోడ్డుకు కేంద్రం ఆమోదం తెలిపింది.

ఈ సందర్భంగా ముందుగా తన విజ్ఞప్తి మేరకు ఏ కొండూరు మండలం లో రోడ్డు పనికి ఆమోదం తెలిపిన కేంద్రానికి ఎంపీ చిన్ని కృతజ్ఞతలు తెలిపారు ఈ సందర్భంగా కేంద్రం నుంచి ఆమోదం పొందిన లేఖను విడుదల చేశారు ప్రధానంగా విజయవాడ పార్లమెంటు పరిధిలోని ప్రధానమంత్రి గ్రామ్ సడక్ యోజన-4, బ్యాచ్-1 2026 -27 కింద1.815 కోట్ల అంచనా వేంతో1.71 కిలోమీటర్ల రోడ్డు పనిని కేంద్రం ఆమోదించింది ముఖ్యంగా రహదారులు గ్రామీణ మౌలిక సదుపాయాలను బలోపేతం చేయడమే కాకుండా రాష్ట్ర సామాజిక ఆర్థిక అభివృద్ధిని వేగవంతం చేయడంలో కీలక పాత్ర ఈ రహదారులు పోషిస్తాయని లేఖలో పేర్కొంది. ఇప్పటికే కిడ్నీ సమస్యలతో ఎంతోమంది బాధితులు ఏ కొండూరు మండలంలో ఇబ్బంది పడుతున్న నేపథ్యంలో వారికి మంచి త్రాగునీరు అందించడంతోపాటు తాజాగా కనెక్టివిటీ రోడ్లను కూడా ఎంపీ కేశినేని చిన్ని ఏ కొండూరు మండలానికి అందించారు. ఎంతో కాలం నుండి సరైన కనెక్టివిటీ రోడ్లు లేక ఇబ్బంది పడుతున్న ఏ కొండూరు మండలానికి ఎంపీ చిన్ని కనెక్టివిటీ రోడ్ను తీసుకువచ్చి అక్కడి ప్రజలకు బాసటగా నిలిచారు.

అడిగిన వెంటనే విజయవాడ పార్లమెంట్ నియోజకవర్గంలోని ఏ కొండూరు మండలానికి రోడ్డు పనిని మంజూరు చేసిన కేంద్ర మంత్రి శివరాజ్ సింగ్ చౌహాన్ కు ఎంపీ చిన్ని ప్రత్యేక కృతజ్ఞతలు తెలిపారు రాబోయే రోజుల్లో విజయవాడ పార్లమెంట్ లో అనేక అభివృద్ధి కార్యక్రమాలకు శ్రీకారం చుట్టబోతున్నట్లు తెలియజేశారు