ఈ నెల 21 నుంచి ప్ర‌త్యేక ఆధార్ శిబిరాలు

– ప్ర‌జ‌లు స‌ద్వినియోగం చేసుకోవాలి
– జిల్లా క‌లెక్ట‌ర్ డా. జి.ల‌క్ష్మీశ‌

విజయవాడ, నేటి పత్రిక ప్రజావార్త :
ఈ నెల 21వ తేదీ నుంచి 24వ తేదీ వ‌ర‌కు జిల్లాలో ప్ర‌త్యేక ఆధార్ సేవా శిబిరాలు అందుబాటులో ఉంటాయ‌ని.. ప్ర‌జ‌లు వీటిని స‌ద్వినియోగం చేసుకోవాల‌ని జిల్లా క‌లెక్ట‌ర్ డా. జి.ల‌క్ష్మీశ సోమ‌వారం ఓ ప్ర‌క‌ట‌న‌లో తెలిపారు.
ఎంపిక చేసిన స్వ‌ర్ణ గ్రామం, స్వ‌ర్ణ వార్డు కార్యాల‌యాల‌తో పాటు ప్ర‌భుత్వ పాఠ‌శాల‌లు, క‌ళాశాల‌ల్లో ఈ శిబిరాలు సేవ‌లందిస్తాయ‌న్నారు. కొత్త‌గా ఆధార్ న‌మోదు, ఆధార్‌లో పేరు, చిరునామా, జ‌న‌న తేదీ, మొబైన్ నంబ‌రు, బ‌యోమెట్రిక్ వివ‌రాల న‌వీక‌ర‌ణ‌తో పాటు 5 నుంచి 15 ఏళ్లు, ఆ పైబ‌డిన చిన్నారుల బ‌యోమెట్రిక్ అప్‌డేట్ త‌దిత‌ర సేవ‌ల‌ను పొందొచ్చ‌న్నారు. ప్ర‌జ‌ల‌కు స‌కాలంలో పార‌ద‌ర్శ‌కంగా ఆధార్ సేవ‌లు అందించేందుకు చ‌ర్య‌లు తీసుకుంటున్న‌ట్లు తెలిపారు. ప్ర‌ధానంగా విద్యార్థుల‌కు ఆధార్ సేవ‌లు తేలిగ్గా అందుబాటులో ఉండేలా పాఠ‌శాల‌లు,
క‌ళాశాల‌ల్లోనూ శిబిరాలు నిర్వ‌హిస్తున్న‌ట్లు క‌లెక్ట‌ర్ ల‌క్ష్మీశ తెలిపారు.