Prajavartha Online Telugu News
తెనాలి, నేటి పత్రిక ప్రజావార్త :
తెనాలి పట్టణానికి చెందిన సీనియర్‌ పాత్రికేయులు, సినీ దర్శకుడు, వరల్డ్‌ రికార్డ్స్‌ హోల్డర్‌, సమాచార హక్కు సంఘం జిల్లా కార్యదర్శి కనపర్తి రత్నాకర్‌ జన్మదినోత్సవ వేడుకలు టాలెంట్‌ ఎక్స్‌ప్రెస్‌ కార్యాలయంలో శుక్రవారం ఘనంగా జరిగాయి. ఈ సందర్భంగా కనపర్తి రత్నాకర్‌ మాట్లాడుతూ తాను జాతీయ ఉద్యమం నేపథ్యంలో తెనాలి పరిసర ప్రాంతానికి చెందిన చుక్కపల్లి రామయ్య చరిత్రని వీరస్థలి తెనాలి అనే ఇండిపెండెంట్‌ చిత్రాన్ని రూపొందించామని చిత్రాన్ని ప్రేక్షకులు ఆదరించారన్నారు. ఈ చిత్రానికి ఉత్తమ చిత్రంగా అవార్డ్‌ లభించిందన్నారు. ఫిబ్రవరి ఆఖరి వారంలో శ్రీశ్రీ మీడియా బ్యానర్‌పై మరో నూతన చిత్రం ప్రారంభిస్తున్నట్లు చెప్పారు. అనంతరం కనపర్తి రత్నాకర్‌ కేక్‌ను కట్‌ చేయగా, వివిధ ప్రింట్‌ Ê ఎలక్ట్రానిక్‌ మీడియాల పాత్రికేయులు, శ్రేయోభిలాషులు, మిత్రులు, సహచరులు తదితరులు శుభాకాంక్షలు తెలిపారు. ఈ కార్యక్రమంలో కళ్యాణమస్తు చిత్ర దర్శకుడు ఓంసాయి, రామ్‌కి, శ్రీశ్రీ మీడియా నిర్వాహకుడు మునిపల్లి శ్రీకాంత్‌, ఆర్ట్‌ డైరెక్టర్‌ అపర్ణ చంటి, కొరియోగ్రాఫర్‌లు సుధీర్‌, కిరణ్‌, పాత్రికేయులు పున్నయ్య, ప్రభాకర్‌, ప్రేమ్‌ తదితరులు పాల్గొన్నారు.
