తెలుగు వారందరికీ సంక్రాంతి శుభాకాంక్షలు

-రైతులు అందరూ కూటమి ప్రభుత్వం లో సంతోషంగా ఉన్నారు
-గత ప్రభుత్వంలో ఎగ్గొట్టిన సబ్సిడీలు అన్నీ పునరుద్ధరించాం
-సూపర్ 6 పథకాలు అమలు చేస్తున్నాం
-జగన్ వ్యవహార శైలి మార్చుకోవడం లేదని పార్టీలో అందరూ పారిపోతున్నారు

విజయవాడ,  నేటి పత్రిక ప్రజావార్త :
సంక్రాంతి ఎవరికో అవగాహన లేకుండా జగన్ మోహన్ రెడ్డి మాట్లాడుతున్నారని.. సంక్రాంతి పండుగ అంటేనే రైతుల పండుగన్న విషయం జగన్ తెలుసుకోవాలని సమాచార పౌరసంబంధాలు, గృహ నిర్మాణ శాఖల మంత్రి కొలుసు పార్థసారధి ఎద్దేవ చేశారు. ఎన్జీఆర్ కలెక్టరేట్ లో సోమ‌వారం పాత్రికేయుల సమావేశంలో మంత్రి కొలుసు పార్థసారధి మాట్లాడుతూ కూటమి ప్రభుత్వం అధికారంలోకి రావడంతో ఎంతో సంతోషంగా సంక్రాంతి పండుగను రైతులు గ్రామాల్లో జరుపుకుంటుంటే అది గిట్టని వైసీపీ నాయకులు సంక్రాంతి కేవలం కూటమి నాయకులకే అని మాట్లడటం చాలా విడ్డూరంగా ఉందని, వారు తీవ్ర నిరాశా నిసృహులతో మాట్లడుతున్నారన్నారు. జగన్ వ్యవహార శైలి నచ్చక పార్టీలో అందరూ పారిపోతున్నారన్నారు. 4,56,873 మంది రైతులు పండించిన 28,83,238 మెట్రిక టన్నుల ధాన్యంను సేకరించడం ద్వారా రూ. 6,569.84 కోట్లను రైతుల ఖాతాల్లో వేశారన్నారు. గతంలో వైసీపీ ప్రభుత్వం దాన్యం డబ్బులను 2-3 నెలలకు రైతుల ఖాతాల్లో వేసేదని, కూటమి ప్రభుత్వం 24 గంటల్లో రైతుల ఖాతాల్లో డబ్బులు వేస్తామని చెప్పినా, 2-3 గంటల్లోనే దాన్యం డబ్బులను రైతుల ఖాతాల్లో వేస్తుందని అందుకు రైతులు సంతోషంగా సంక్రాంతి పండుగను చేసుకుంటూ గ్రామాల్లో సంభరాలు చేసుకుంటున్నారన్నారు. ఆ వేడుకలను వైసీపీ నాయకులు గ్రామాల్లో చూడలేక నిరాశ నిసృహులతో మాట్లాడుతున్నారన్నారు.

సంక్రాంతి ఎవరికో కనీసీ అవగాహన లేకుండా, క్షేత్రస్ధాయిలో అంశాలపై అవగాహన లేకుండా వైసీపీ నాయకులు మాట్లాడం విడ్డూరంగా ఉందన్నారు.. రైతులు అందరూ ఈ ప్రభుత్వం లో సంతోషంగా ఉన్నారన్నారు.. గతంలో ఎగ్గొట్టిన సబ్సిడీలు అన్నీ కూటమి ప్రభుత్వం పునరుద్ధరించిందన్నారు.. కూటమి ప్రభుత్వం అన్ని పథకాలు అమలు చేస్తోందన్నారు.. సూపర్ 6 పథకాల్లో ఇప్పటికే ఎన్జీఆర్ భరోసా పథకం క్రిం రూ. 3,000 నుంచి 4,000 కు పెన్షన్లను పెంచి నెలకు దాదాపు 63 లక్షల మందికి పైగా అందిస్తుందన్నారు.. దీపం పథకం ద్వారా 82,97,371 మందికి సిలండర్ల పంపిణీ చేసి రూ. 639 కోట్లను సబ్సిడీగా అందించడం జరిగిందన్నారు. అదేవిధంగా ల్యాండ్ టైటిలింగ్ యాక్టు ద్వారా భయానికి గురైన ప్రజల భయాన్ని పోగొట్టేలా ఆ చట్టాన్ని రద్దు చేయడం వల్ల సంతోషంగా సంక్రాంతి పండుగను జరుపుకుంటున్నారన్నారు… దాదాపు 200 కు పైగా అన్న క్యాంటీన్లు ప్రారంభించి 5 రూపాయలకే పేదవారి ఆకలి తీరుస్తున్నామన్నారు.. NREGS ద్వారా ఉప ముఖ్యమంత్రి పవన్ కళ్యాణ్ నేతృత్వంలో గ్రామాలకు సిమెంట్ రోడ్లు వచ్చాయన్నారు.

వైసీపీ పాలనలో రూ. 6,679 కోట్ల విదేశీ పెట్టుబడులు వస్తే… కూటమి ప్రభుత్వం 6 నెలల్లోనే దాదాపు రూ. 85 వేల కోట్ల పెట్టుబడులు రాష్ట్రానికి తీసుకువచ్చిన ఘనత ముఖ్యమంత్రి చంద్రబాబు నాయుడు కే దక్కుతుందన్నారు. ఏపీలో పెట్టుబడి పెట్టడానికి పెద్ద పెద్ద కంపెనీలు వస్తున్నాయన్నారు… మంత్రి లోకేష్ విదేశీ పర్యటనల ఫలితంగా రాష్ట్రంలో అనేక ఐటీ కంపెనీలు టీసీఎస్, గూగుల్ కంపెనీ, మిట్టల్ స్టీల్ ఫ్లాంట్ లు రాష్ట్రానికి వచ్చేలా చేసారన్నారు. ముఖ్యమంత్రి నారా చంద్రబాబు నాయుడు పై ఉన్న నమ్మకంతో రాష్ట్రంలో అనేక కంపెనీలు వస్తున్నాయని అందులో భాగంగా గ్రీన్ కో తదితరమైన కంపెనీలున్నాయన్నారు. 65 వేల కోట్లతో సిబిజి ప్లాంట్లు పెట్టడానికి ముఖ్యమంత్రిలో MoU తో పాటు అనుమతులు కూడా వచ్చాయన్నారు.. వైసీపీ నాయకురాలు రోజా అన్నీ గాలి మాటలు మాట్లాడుతూ ఉంటుందని ఎద్దేవ చేశారు.. 2018-19 లో అదానీ డేటా సెంటర్ కు కేటాయిస్తే, వైసీపీ కనీసం దాని గురించి పట్టించుకున్న దాఖలాలు కూడా లేరన్నారు… ఆ సెంటర్ రావడానికి వైసీపీ ప్రయత్నించలేదన్నారు.. వైసీపీ ఎందుకు ఖాళీ అవుతోందో ఆ నాయకుడు ముందు తెలుసుకోవాలన్నారు.

జగన్ విధానం బెదిరించడం, కక్ష కట్టడం అని అన్నారు.. ఎన్నికల అంశంలో జగన్ వి పగటి కలలా, రాత్రి కలలా… అని ప్రజలు తెలుసుకోవాలన్నారు. గత ప్రభుత్వం లో ధాన్యం సేకరణ చేసి డబ్బులు ఎగ్గొట్టారన్నారు.. ఆ బాకీలను మా ప్రభుత్వం అధికారంలోకి వచ్చిన తర్వాత చెల్లిస్తున్నామన్నారు. గృహ నిర్మాణాల విషయంలో కేంద్ర సహాయం అందుతోందని గుర్తుంచుకున్నామన్నారు.. అందుకే PMAY NTR NAGAR అని ఇళ్ళ స్కీమ్ కు పేరు పెట్టామన్నారు.. గాలి తరహాలో గత ప్రభుత్వం తీసుకున్న నిర్ణయాలు ఉన్నాయన్నారు.

నూజివీడు గ్రావెల్ త్రవ్వాకాలు
నూజివీడు గ్రావెల్ తవ్వకాలపై పూర్తి వివరాలు ప్రభుత్వ అనుమతితో త్వరలో మీ ముందుంచుతానన్నారు. నూజివీడులో గ్రావెల్ తవ్వకాలపై గన్నవరం శాససభ్యులు యార్లగడ్డ వెంకట్రావు సమాచార లోపంతో మాట్లాడి ఉంటారని, ఆయనకు కూడా తగిన సమాచారం అందిస్తానన్నారు.