ఆశా కార్యకర్తలు పోస్టులు భర్తీ కొరకు అభ్యర్థుల నుండి దరఖాస్తు స్వీకరణ

రాజమహేంద్రవరం, నేటి పత్రిక ప్రజావార్త :
తూర్పుగోదావరి జిల్లాలో ఆశా కార్యకర్తలు పోస్టులు భర్తీ కొరకు అభ్యర్థుల నుండి దరఖాస్తు స్వీకరణ. తూర్పుగోదావరి జిల్లాలోని వైద్య ఆరోగ్య శాఖలో పనిచేయుటకు వివిధ ప్రాథమిక ఆరోగ్య కేంద్రాల్లో అనపర్తి-3, బిక్కవోలు-1, రంగంపేట-2, రాజమహేంద్రవరం రూరల్-4, కడియం-3, రాజానగరం-2, కోరుకొండ-2, సీతానగరం– 2, గోకవరం-1, దేవరపల్లి-3, నల్లజెర్ల-2, తాళ్ళపూడి-1, కొవ్వూరు రూరల్-1, చాగల్లు-1, పెరవలి-1, ఉండ్రాజవరం-1, మండలాలలో 30 ఆశా కార్యకర్తలు పోస్టులకు దరఖాస్తులు స్వీకరించడం జరుగుతుందనీ జిల్లా వైద్య ఆరోగ్య అధికారి డా కె వెంకటేశ్వర రావు శుక్రవారం ఒక ప్రకటనలో తెలియచేసారు.

దరఖాస్తు ప్రక్రియ 28-06-2025 నుండి 05-07-2025 వరకు స్థానిక ప్రాథమిక ఆరోగ్య కేంద్రాల్లో దరఖాస్తు చేసుకోవలసిందిగా జిల్లా వైద్య ఆరోగ్య శాఖ అధికారి తెలియజేయడం జరిగింది. దరఖాస్తు ప్రక్రియ మరియు అర్హతలు జిల్లా వైద్య ఆరోగ్యశాఖ అధికారి కార్యాలయం మరియు www.eastgodavari.nic.in పొందుపరచడం జరిగింది తెలియజేశారు.