వైయస్సార్‌ లైఫ్‌ టైం ఎచీవ్‌మెంట్, వైయస్సార్‌ ఎచీవ్‌మెంట్‌ అవార్డుల ప్రకటన…

విజయవాడ, నేటి పత్రిక ప్రజావార్త :
ఆంధ్రప్రదేశ్‌ ప్రభుత్వం తరఫున వైయస్సార్‌ లైఫ్‌ టైం ఎచీవ్‌మెంట్, వైయస్సార్‌ ఎచీవ్‌మెంట్‌ అవార్డుల ప్రకటన. 2021 నవంబరు 1న… రాష్ట్ర అవతరణ దినోత్సవం నాడు రాష్ట్ర ప్రభుత్వ అత్యున్నత పురస్కారాలుగా ఈ అవార్డుల్ని ప్రదానం చేయటం అందరికీ తెలుసు.

– వివిధ రంగాల్లో సామాన్యులుగా ఉన్న అసామాన్యులను ఎంపిక చేసి… తొలి సారి ఇస్తున్న అవార్డుల్లో… 62 సంస్థలకు, లేదా వ్యక్తులకు తొలి అవార్డుల్ని అందజేశాం.

ప్రధానంగా మన గ్రామం, మన వ్యవసాయం, మన కళలు, సాహిత్యం, సంస్కృతి–సంప్రదాయాలు, సమాజ సంక్షేమం–అభివృద్ధి… ఇలాంటి రంగాల్లో వారి జీవితాలను అర్పించిన మహనీయులకు… ఈ అవార్డులు ప్రదానం చేయటం అందరికీ తెలుసు.

2022 నవంబరు 1న, రాష్ట్ర అవతరణ దినోత్సవం సందర్భంగా…
ఇవ్వనున్న అవార్డుల కోసం… మొత్తంగా 30 అవార్డులు ప్రకటిస్తున్నాం.
–కమిటీ సిఫార్సులు ముఖ్యమంత్రి శ్రీ వైయస్‌ జగన్‌మోహన్‌రెడ్డిగారి ఆమోదం పొందినమీదట ఈ పురస్కారాల ప్రకటన చేస్తున్నాం.
– ఇందులో 20… జీవిత సాఫల్య పురస్కారాలు(లైఫ్‌టైం ఎచీవ్‌మెంట్‌ అవార్డులు)
– 10… సాఫల్య పురస్కారాలు(ఎచీవ్‌మెంట్‌ అవార్డులు).

1) వ్యవసాయం
1) ఆదివాసీ కేష్యూనట్‌ ఫార్మర్స్‌ ప్రొడ్యూసర్‌ కంపెనీ
– సోడెం ముక్కయ్య – బుట్టాయగూడెం, ఏలూరు జిల్లాకు.
2) కుశలవ కోకోనట్‌ ఫార్మర్స్‌ ప్రొడ్యూసర్స్‌ కంపెనీ
– ఎ.గోపాలకృష్ణ; బి.ఆర్‌. అంబేద్కర్‌ కోనసీమ జిల్లాకు;
3) అన్నమయ్య మ్యూచువల్లీ ఎయిడెడ్‌ కోఆపరేటివ్‌ సొసైటీ లిమిటెడ్‌
– జయబ్బనాయుడు, తలుపల గ్రామం, పీలేరు మండలం, అన్నమయ్య జిల్లాకు;
4) అమృత ఫల ఫార్మర్స్‌ ప్రొడ్యూసర్‌ కంపెనీ,
–కె.ఎల్‌.ఎన్‌. మౌక్తిక, సబ్బవరం, అనకాపల్లి జిల్లాకు
5) కట్టమంచి బాలకృష్ణారెడ్డి,
కట్టమంచి గ్రామం, చిత్తూరు జిల్లాకు… కమిటీ సమాలోచనల తరవాత తుది జాబితాగా ప్రతిపాదించటం జరిగింది.
– వీరందరికీ వైయస్సార్‌ ఎచీవ్‌మెంట్‌ అవార్డులు ప్రకటిస్తున్నాం.

2) కళలు–సంస్కృతి విభాగంలో…
1) కళాతపస్వి, నిండు తెలుగుదనం ఉట్టిపడే తెలుగువాడు… కె.విశ్వనాథ్‌గారికి…
2) బడుగు బలహీన వర్గాల కోసం, గ్రామం కోసం, పేదల కోసం… నిరంతరం తపించి జీవితాన్ని అర్పించిన ఆర్‌. నారాయణమూర్తి గారికి…
– వైయస్సార్‌ జీవిత కాల పురస్కారాలను ప్రకటిస్తున్నాం.
3) సుప్రసిద్ధ రంగస్థల కళాకారుడు నాయుడు గోపీ గారికి…
4) మన కలంకారీకి మరోసారి గౌరవం ఇస్తూ… పెడన నేతన్న పిచుక శ్రీనివాస్‌కు;
5) దేశవ్యాప్తంగా ప్రసిద్ధి పొందిన ఉదయగిరి ఉడెన్‌ కట్లరీ… అంటే వంటింట్లో వాడే చెక్క వస్తువుల తయారీలో శ్రీమతి షేక్‌ గౌసియా బేగం గారికి… వైయస్సార్‌ ఎచీవ్‌మెంట్‌ అవార్డులను ప్రకటిస్తున్నాం.

3) సాహిత్య సేవలో…
1) విశాలాంధ్ర పబ్లిషింగ్‌ హౌస్‌;
2) ఎమెస్కో ప్రచురణాలయానికి…
3) రచయిత డాక్టర్‌ శాంతి నారాయణ గారికి…
వారి సేవలకు జీవిత కాల సాఫల్య పురస్కారాలను ప్రకటిస్తున్నాం.

4) మహిళా సాధికారత–రక్షణ విభాగంలో…
1) ప్రజ్వలా ఫౌండేషన్‌– సునీతా కృష్ణన్‌గారికి…
2) ఉయ్యూరుకు చెందిన శిరీషా రిహేబిలిటేషన్‌ సెంటర్‌ వారికి… వైయస్సార్‌ లైఫ్‌టైం ఎచీవ్‌మెంట్‌ అవార్డు ప్రకటిస్తున్నాం.
3) ఇక మూడో అవార్డును దిశ–పోలీసింగ్‌కు ప్రకటిస్తున్నాం. నేరం జరగక ముందు, జరుగుతోందనే సమాచారం ఉన్నప్పుడు… ఒక బాలిక లేదా మహిళ ఆపదలో ఉన్నప్పుడు… వెంటనే వారిని ఆదుకునే వ్యవస్థగా… మన ముఖ్యమంత్రి శ్రీ వైయస్‌ జగన్‌గారి చొరవతో, ఆయన మానస పుత్రికగా దిశ యాప్‌ రూపొందింది.
– దిశ యాప్‌ద్వారా వచ్చిన ఎస్‌వోఎస్‌ను అందుకున్న వెంటనే నిమిషాల్లోనే సంఘటన స్థలానికి చేరకుని కాపాడిన అయిదుగురు పోలీసులకు… ఈ ఏడాది వైయస్సార్‌ ఎచీవ్‌మెంట్‌ అవార్డును ఉమ్మడిగా ప్రకటించటం జరుగుతోంది.
– రవాడ జయంతి; ఎస్‌వీవీ లక్ష్మీనారాయణ; రాయుడు సుబ్రహ్మణ్యం, హజ్రతయ్య; పి.శ్రీనివాసులు… వీరికి సంయుక్తంగా వైయస్సార్‌ ఎచీవ్‌మెంట్‌ అవార్డుకు ఎంపిక చేయటం జరుగుతోంది.

5) విద్యా రంగం నుంచి…
ఇంట్రొడక్షన్‌ అవసరం లేని విద్యా సంస్థలు రెండింటికి…
1) మదనపల్లి – రిషీ వేలీ విద్యా సంస్థకు
2) కావలి– జవహర్‌ భారతి విద్యా సంస్థకు
వైయస్సార్‌ లైఫ్‌టైం ఎచీవ్‌మెంట్‌ అవార్డు ప్రకటిస్తున్నాం.
3) వ్యక్తిత్వ వికాసం… ఆలోచన విధానం… మనస్తత్వ శాస్త్రాల నిపుణుడు శ్రీ బి.వి.పట్టాభిరాం గారికి… లైఫ్‌టైం ఎచీవ్‌మెంట్‌ అవార్డును ప్రకటిస్తున్నాం.
4) బ్యాంకింగ్‌ రంగంలో వేల మంది ప్రవేశానికి దారి చూపిన దార్శనికుడు, మంచి మాస్టారు… నంద్యాలకు చెందిన దస్తగిరి రెడ్డిగారికి… వైయస్సార్‌ ఎచీవ్‌మెంట్‌ అవార్డును ప్రకటిస్తున్నాం.

5) మీడియా అవార్డులు
సీనియర్‌ పాత్రికేయులు
1) భండారు శ్రీనివాసరావు
2) సతీశ్‌ చందర్‌
3) మంగు రాజగోపాల్‌
4) ఎంఈవీ ప్రసాదరెడ్డి
– ఈ నలుగురికీ వైయస్సార్‌ లైఫ్‌టైం ఎచీవ్‌మెంట్‌ అవార్డులు ప్రకటిస్తున్నాం.

6) వైద్య రంగంలో విప్లవాలకు అంటుకట్టిన…
1) డాక్టర్‌ బి. నాగేశ్వరరెడ్డి, ఏఐజీకి… ఏషియన్‌ ఇన్‌స్టిట్యూట్‌ ఆఫ్‌ గ్యాస్ట్రో ఎంట్రాలజీ వారికి;
2) డాక్టర్‌ వరప్రసాదరెడ్డి, శాంతా బయోటెక్‌ వారికి… (హెపటైటిస్‌–బి వ్యాక్సిన్‌)
3) భారత్‌ బయోటెక్‌ డాక్టర్‌ కృష్ణ ఎల్లా, సుచిత్ర ఎల్లాలకు… (కోవాక్సిన్‌)
4) అపోలో హాస్పటల్స్‌ వ్యవస్థాపకుడు, ఛైర్మన్‌ శ్రీ ప్రతాప్‌ సి రెడ్డిగారికి…
5) ఎల్‌.వి.ప్రసాద్‌ ఐ ఇన్‌స్టిట్యూట్‌ తరఫున శ్రీ గుళ్ళపల్లి నాగేశ్వరరావుగారికి…

ఈ అయిదు సంస్థలు/వ్యక్తులకు వైయస్సార్‌ లైఫ్‌టైం ఎచీవ్‌మెంట్‌ అవార్డులు ప్రకటిస్తున్నాం.

7) పారిశ్రామిక రంగంలో
అంతర్జాతీయ స్థాయికి ఎదిగిన శ్రీ గ్రంధి మల్లికార్జునరావుగారికి…
1) వైయస్సార్‌ లైఫ్‌ టైం ఎచీవ్‌మెంట్‌ అవార్డు ప్రకటిస్తున్నాం.

ఇందులో రంగాల వారీగా చూస్తే… వ్యవసాయానికి 5; సంస్కృతి–సంప్రదాయాలకు 5; మహిళా సాధికారత, రక్షణకు 3; తెలుగు భాషకు 3; విద్యా రంగానికి 4; మీడియా నుంచి 4; వైద్య రంగానికి 5; పరిశ్రమకు 1 అవార్డుల్ని ఇవ్వటం జరిగింది.

ఈ మీడియా సమావేశంలో సమాచార శాఖ కమిషనర్ టి. విజయకుమార్ రెడ్డి, అవార్డుల కమిటీ మెంబర్- కన్వీనర్ బాలసుబ్రమణ్యం రెడ్డి పాల్గొన్నారు.