Prajavartha Online Telugu News
విజయవాడ, నేటి పత్రిక ప్రజావార్త :
అమరావతి వర్కింగ్ జర్నలిస్ట్ వెల్ఫేర్ అసోసియేషన్ ఆధ్వర్యంలో జర్నలిస్టు సోదరులకు ఇఫ్తార్ విందు కార్యక్రమం ఐఎంఏ హాలులో ఘనంగా నిర్వహించారు. ఈ కార్యక్రమానికి ముఖ్యఅతిథిగా విజయవాడ సెంట్రల్ ఎమ్మెల్యే మల్లాది విష్ణు హాజరయ్యారు. ఈ సందర్భంగా మల్లాది విష్ణు మాట్లాడుతూ అమరావతి వర్కింగ్ జర్నలిస్ట్ వెల్ఫేర్ అసోసియేషన్ చేపట్టిన ఇఫ్తార్ విందు జర్నలిస్టు మిత్రులు కులమతాలకు అతీతంగా ఏర్పాటు చేసిందని, అసోసియేషన్ కు ప్రభుత్వ పరంగా ఎటువంటి సహాయ సహకారాలు కావాలన్నా అందిస్తామని తెలియజేశారు. ఈ కార్యక్రమంలో ఏపీజే ఎఫ్ రాష్ట్ర అధ్యక్షుడు చెవుల కృష్ణ ఆంజనేయులు, మత పెద్దలు అబ్దుల్ సమద్, మౌలాలి ఇతర జర్నలిస్టు మిత్రులు పాల్గొన్నారు.
