రైతు సేవా కేంద్రాన్ని తనిఖీ చేసిన సంయుక్త వ్యవసాయ సంచాలకులు మరియు e-పంట నోడల్ అధికారిణి విజయ భారతి

తిరుపతి, నేటి పత్రిక ప్రజావార్త :
నేటి గురువారం వ్యవసాయ కమీషనరు వారి కార్యాలయం నుండి సంయుక్త వ్యవసాయ సంచాలకులు మరియు e-పంట నోడల్ అధికారి విజయ భారతి  రామచంద్రాపురం మండలం గంగిరెడ్డిపల్లి రైతు సేవా కేంద్రం తనిఖీ చేశారు. తనిఖీ లో భాగంగా మండలం లోని రైతు సేవా కేంద్రాల సిబ్బంది అందర్నీ కలిసి e- పంట యాప్ లో రైతులు సాగు చేస్తున్న పంటల వివరాల నమోదు చేసే విధానాన్ని పరిశీలించారు మరియు e- పంట నమోదులో ఏమైనా సమస్యలు ఉన్నాయా అని అడిగి తెలుసుకున్నారు. అదే విధంగా వరి పంట లో e-పంట ను ఏ విధంగా చేస్తున్నారో పరిశీలించి తగిన సూచనలు చేశారు. వాస్తవ సాగుదారుల వివరాలు మాత్రమే నమోదు చేయాలని మరియు డ్రిప్ మరియు స్ప్రింక్లర్ల నీటి పారుదల పద్ధతులను, ప్రకృతి వ్యసాయం మరియు సేంద్రియ వ్యసాయం చేస్తున్న రైతుల వివరాలను తప్పక e- పంట యాప్ లో నమోదు చేయాలని సూచించారు. ఈ కార్యక్రమం లో మండల వ్యవసాయ అధికారిణి స్రవంతి, జిల్లా సాంకేతిక వ్యవసాయ అధికారిణి హరిత, పుత్తూరు డివిజన్ సాంకేతిక వ్యవసాయ అధికారిణి హరిత కుమారి మరియు రామచంద్రాపురం మండల రైతు సేవా కేంద్రాల సిబ్బంది పాల్గొన్నారు.