Prajavartha Online Telugu News
న్యూఢిల్లీ, నేటి పత్రిక ప్రజావార్త :
న్యూఢిల్లీలో ఏర్పాటు చేసిన అగ్రికల్చర్ ఇన్ఫ్రా ఫండ్ అవార్డు ప్రదానోత్సవంలో కేంద్ర వ్యవసాయ మంత్రి నరేంద్ర సింగ్ తోమర్ చేత ‘PACS దరఖాస్తుల మంజూరులో ఉత్తమ పనితీరు కనబరుస్తున్న రాష్ట్రం’ గా ఆంధ్రప్రదేశ్కు అవార్డు లభించింది. వ్యవసాయ మార్కెటింగ్ శాఖ నోడల్ డిపార్ట్మెంట్ గా రాష్ట్ర ప్రభుత్వం తరుపున ఈ కార్యక్రమము చేపడుతుంది. ఈ ప్రతిష్టాత్మక అవార్డ్ ను మార్కెటింగ్ శాఖ కమిషనర్ తరుపున బి. శ్రీనివాసరావు సీఈఓ రైతు బజార్లు అవార్డ్ ను అందుకున్నారు. కేంద్ర వ్యవసాయ మంత్రి నరేంద్ర సింగ్ తోమర్ ప్రభుత్వాన్ని అభినందించారు. ఆంధ్రప్రదేశ్లోని రైతుల సంక్షేమం కోసం ఈ పథకాన్ని ఉత్తమంగా ఉపయోగించడం కోసం ఆంధ్రప్రదేశ్లోని పీఏసీఎస్లకు రూ.1584 Cr తో నాబార్డ్ మరియు ఆప్కోబ్ ద్వారా ప్రారంభంలో ఈ నిధులతో ఏపీ అంతటా ఫార్మ్గేట్ మౌలిక సదుపాయాలు అభివృద్ధి చేయబడుతున్నాయి. ఇందులో గోడౌన్లు, శీతల గదులు, ఉద్యానవన ఉత్పత్తుల సేకరణ కేంద్రాలు మరియు క్లీనర్లు మరియు గ్రేడర్ల వంటి ప్రాథమిక ప్రాసెసింగ్ మౌలిక సదుపాయాలు ఉన్నాయి. ఒకసారి ఈ అవస్థాపన వినియోగంలోకి వస్తే, ఇది రైతులు తమ ఉత్పత్తులను విక్రయించే విధానాన్ని మారుస్తుంది మరియు వారి వస్తువులకు అదనపు ధరను పొందడంలో వారికి సహాయపడుతుందని సీఈఓ తేలిపారు.
