Prajavartha Online Telugu News
విజయవాడ, నేటి పత్రిక ప్రజావార్త :
వై.యస్.ఆర్.కాంగ్రెస్ పార్టీ అధ్యక్షులు వై.యస్.జగన్మోహన్ రెడ్డి ఆదేశానుసారం రాష్ట్ర స్థాయి, జిల్లా స్థాయి నుండి గ్రామ స్థాయి వరుకు మరియు అనుబంధ విభా కమిటీలను నూతనంగా నియమంచాలని నిర్దేశించిన సందర్భంగా శనివారం నాడు ఎన్టీఆర్ జిల్లా. వై.యస్.ఆర్.కాంగ్రెస్ పార్టీ సమన్వయకర్తల సమావేశం జరిగింది.ఈ సమావేశంలో కమిటీలు మరియు పార్టీ అభివృద్ధి గురించి దిశా నిర్దేశం చేయడం జరిగింది. అలాగే 3-నవంబర్-2024 తేదీన విజయవాడ, శేషాసాయి కళ్యాణ మండపంలో జరిగే ఎన్టీఆర్ జిల్లా వైసీపీ నాయకులు, కార్యకర్తలతో విస్తృతస్థాయి సమావేశం జయప్రదం చేయాలని జిల్లా అధ్యక్షులు దేవినేని అవినాష్ కోరారు. ఈ సమావేశంలో జిల్లా అధ్యక్షులు, తూర్పు నియోజకవర్గ ఇంచార్జ్ దేవినేని అవినాష్, పి.ఏ. సి మెంబెర్, వెస్ట్ ఇంచార్జ్ వేలంపల్లి శ్రీనివాసరావు, సెంట్రల్ ఇంచార్జ్ మల్లాది విష్ణు, ఎమ్మెల్సీ మొండితోక అరుణ్ కుమార్, తిరువూరు ఇంచార్జ్ స్వామి దాసు, జగ్గయ్యపేట ఇంచార్జ్ తన్నీరు నాగేశ్వరరావు పాల్గొన్నారు.
