డాక్టర్ తరుణ్ కాకానికి పురస్కారం

విజ‌య‌వాడ, నేటి పత్రిక ప్రజావార్త :
అమరావతి బోటింగ్ క్లబ్ సీఈవో డాక్టర్ తరుణ్ కాకాని ప్రకృతి మరియు వన్యప్రాణుల సంరక్షణ కోసం సంస్థ చేపట్టిన కార్యక్రమాలకు తెలంగాణ గవర్నర్ విష్ణు దేవ్ వర్మ నుండి మొమెంటో అందుకున్నారు. హైదరాబాద్‌లోని మ్యారిగోల్డ్ హోటల్‌లో డబ్ల్యూడబ్ల్యూఎఫ్ (వరల్డ్ వైల్డ్‌లైఫ్ ఫండ్) ఇండియా-హైదరాబాద్ కార్యాలయం ఈ కార్యక్రమాన్ని నిర్వహించింది. 9వ గోల్ఫ్ టోర్నమెంట్‌ని WWF ఇండియా-హైదరాబాద్, HGA-హైదరాబాద్ గోల్ఫ్ అసోసియేషన్‌తో కలిసి వన్యప్రాణులు మరియు ప్రకృతి సంరక్షణ కోసం నిధులను సేకరించేందుకు నిర్వహించింది. హైదరాబాద్ గోల్ఫ్ అసోసియేషన్ ప్రెసిడెంట్ బివికె రాజు, టైటిల్ స్పాన్సర్ ఎవిఎఎ, ఎలుసింగ్ మేరు ఐఎఫ్‌ఎస్ – తెలంగాణ అటవీ శాఖ పిసిసిఎఫ్, బివి మోహన్ రెడ్డి, డబ్ల్యుడబ్ల్యుఎఫ్ ఇండియా చీఫ్ సుమన్ భిల్లా, హైదరాబాద్ అడ్వైజరీ బోర్డ్ ఛైర్మన్ అనిల్ వి యేపూరి, డైరెక్టర్ ఫరీదా తంపాల్, కరులలేటి శ్రీనివాస్ పాల్గొన్నారు. తెలంగాణ గవర్నర్ జిష్ణు దేవ్ వర్మ ముఖ్య అతిథిగా పాల్గొని గోల్ఫ్ టోర్నమెంట్ విజేతలకు బహుమతులు అందజేశారు. ఆంధ్రప్రదేశ్‌లో స్థిరమైన వ్యాపార నమూనాలను అనుసరిస్తూ మరియు WWF ఇండియా కార్యక్రమాలకు మద్దతునిచ్చినందుకు విజయవాడలోని అమరావతి బోటింగ్ క్లబ్ CEO డాక్టర్ తరుణ్ కాకానికి గవర్నర్ ప్రశంసా పత్రాన్ని అందించారు. తానే స్వయంగా ప్రకృతి ప్రేమికుడిగా రాజకీయ జీవితాన్ని ప్రారంభించానని చెప్పారు. విజయవాడకు చెందిన డాక్టర్ తరుణ్ కాకాని డబ్ల్యూడబ్ల్యూఎఫ్‌కి అవగాహన సెషన్‌లు నిర్వహించడం, భవానీ ద్వీపం బయోడైవర్సిటీ మ్యాపింగ్, సాఫ్ట్ బ్యాక్ ఓటర్స్, రెడ్ ఇయర్డ్ స్నైడర్ టర్టిల్ వంటి అరుదైన IUCN రెడ్ లిస్టెడ్ జంతు జాతులను సంరక్షించడంలో స్థానిక అటవీ అధికారులతో సమన్వయం చేయడం ద్వారా సహకరించారు. డబ్ల్యూడబ్ల్యూఎఫ్ ఇండియా, అమరావతి బోటింగ్ క్లబ్‌తో కలిసి “ఈ భూమిపై మనం ఒంటరిగా ఉన్నారా?” అనే అంశంపై విద్యా మరియు అవగాహన సెషన్‌ను నవంబర్ 7న విజయవాడలో నిర్వహించాలని యోచిస్తోంది.