ఉత్కంఠగా బాలబాలికల జాతీయ సెపక్ తక్రా పోటీలు

-సెమీఫైనల్ కి ప్రవేశించిన ఆంధ్రప్రదేశ్ బాలికల టీం బాలురు టీంకి షాక్ ఇచ్చిన ఢిల్లీజట్టు,క్వార్టర్ ఫైనల్ లో బాలుర ఆంధ్రప్రదేశ్ జట్టు నిష్క్రమణ

విజయవాడ, నేటి పత్రిక ప్రజావార్త :
68వ స్కూల్ గేమ్స్ ఫెడరేషన్ ఆఫ్ ఇండియా ఆధ్వర్యంలో పాఠశాల విద్యాశాఖ ఆంధ్రప్రదేశ్ స్కూల్ గేమ్స్,ఎన్టీఆర్ స్కూల్ గేమ్స్ సంయుక్తంగా విజయవాడలోని పటమట జిల్లా పరిషత్ ఉన్నత పాఠశాల(బాలురు)నందు ఈనెల 24నుండి ప్రారంభం అయిన U14 బాల,బాలికల సెపక్ తక్రా పోటీలు తుది అంకానికి చేరుకున్నాయి. బాలికల క్వార్టర్ ఫైనల్ లో మణిపూర్ కి గుజరాత్ కి జరిగినపోటీలో మణిపూర్ 15-13,9-15,15-6 పాయింట్స్ తో,తమిళనాడు బీహార్ తో జరిగిన పోటీలో బీహార్ 5-15,2-15పాయింట్స్ తో,ఆంధ్రప్రదేశ్ తెలంగాణా మధ్య జరిగిన పోటీలో ఆంధ్రప్రదేశ్ 15-1,15-2 పాయింట్స్ తో ,ఉత్తరప్రదేశ్,ఢిల్లీ తో జరిగిన మ్యాచ్ లో ఢిల్లీ 11-15,9-15 పాయింట్స్ తో గెలుపొంది సెమీఫైనల్ కి ప్రవేశించాయి.బాలురు క్వార్టర్ ఫైనల్ లో ఢిల్లీ ఆంధ్రప్రదేశ్ మధ్య జరిగిన పోటీలో ఢిల్లీ 15-12,15-11 పాయింట్స్ తో,బీహార్ పంజాబ్ మధ్య జరిగిన పోటీలో పంజాబ్ 15-9,15-7పాయింట్స్ తో , మణిపూర్ ఉత్తరప్రదేశ్ మధ్య జరిగిన పోటీలో మణిపూర్ 10-15,7-15 పాయింట్స్ తో ,గుజరాత్ తమిళనాడు మధ్య జరిగిన పోటీలో గుజరాత్ 15-4,15-3పాయింట్స్ తేడాతో గెలుపొంది సెమీఫైనల్ కి చేరినాయి.రేపు ఉదయ 9 గంటల నుండి ఫైనల్ పోటీలతోపాటు మూడు,నాలుగు స్థానాలకు మ్యాచ్ లు జరుగుతాయని టోర్నమెంట్ నిర్వహణ కార్యదర్శి సింహాద్రి రమేష్ తెలిపారు.ఈ పోటీలను రాష్ట్ర స్కూల్ గేమ్స్ ఫెడరేషన్ కార్యదర్శి భానుమూర్తి రాజు,సహాయ కార్యదర్శి రాధాకృష్ణ,రాజు,స్కూల్ గేమ్స్ ఫెడరేషన్ ఆఫ్ ఇండియా పరిశీలకులు గౌతమ్,పోటీల కార్యనిర్వహణ కార్యదర్శి రమేష్, స్కూల్ గేమ్స్ జిల్లా కార్యదర్శి శ్రీనివాసరావు,కృష్ణాజిల్లా U19 స్కూల్ గేమ్స్ కార్యదర్శి రవికాంత తదితరులు పాల్గొన్నారు.