ఆంధ్రప్రదేశ్‌లో డీప్‌టెక్‌ దశాబ్దానికి పాన్‌ ఐఐటీ ఆంధ్రప్రదేశ్‌ సమ్మిట్‌–2026

-స్వర్ణాంధ్ర నుంచి వికసిత్‌ భారత్‌–2047’ లక్ష్యాల సాధనకు సాంకేతికత, పెట్టుబడులు, నైపుణ్యాల అనుసంధానం

విజయవాడ, నేటి పత్రిక ప్రజావార్త :
ఆంధ్రప్రదేశ్‌ను ఆర్టిఫిషియల్‌ ఇంటెలిజెన్స్‌ (AI), డీప్‌టెక్‌, సెమీకండక్టర్లు, క్వాంటమ్‌ టెక్నాలజీ, ఏరోస్పేస్‌, డిఫెన్స్‌, గ్రీన్‌ ఎనర్జీ తదితర అభివృద్ధి చెందుతున్న సాంకేతిక రంగాల్లో దేశంలోనే ప్రముఖ కేంద్రంగా తీర్చిదిద్దే దిశగా PanIIT Andhra Pradesh Summit–2026 నిర్వహించనున్నారు. “Andhra’s DeepTech Decade: Anchored by PanIIT – Swarnandhra to Viksit Bharat 2047” అనే ప్రధాన ఇతివృత్తంతో అక్టోబర్‌ 3న విజయవాడలోని డా. బి.ఆర్‌. అంబేద్కర్‌ కన్వెన్షన్‌ సెంటర్‌లో ఈ సదస్సు జరగనుంది.

పాన్‌ ఐఐటీ అలుమ్ని ఇండియా ఆధ్వర్యంలో నిర్వహిస్తున్న ఈ సదస్సుకు ఆంధ్రప్రదేశ్‌ ముఖ్యమంత్రి  నారా చంద్రబాబు నాయుడు ముఖ్య అతిథిగా హాజరు కానున్నారు.విద్య,ఐటీ & ఎలక్ట్రానిక్స్‌ శాఖల మంత్రి నారా లోకేష్‌ కూడా సదస్సులో పాల్గొననున్నారు.

దేశంలోని వివిధ ఐఐటీల డైరెక్టర్లు,అధ్యాపకులు, పరిశ్రమల ప్రముఖులు, విధాన నిర్ణేతలు, పెట్టుబడిదారులు, పారిశ్రామికవేత్తలు, స్టార్టప్‌ ప్రతినిధులు,టెక్నాలజీ నిపుణులు ఈ సదస్సులో పాల్గొని ఆంధ్రప్రదేశ్‌లో బలమైన, అంతర్జాతీయ స్థాయి డీప్‌టెక్‌, ఇన్నోవేషన్‌ ఎకోసిస్టమ్‌ నిర్మాణంపై చర్చించనున్నారు.

ప్రభుత్వం–పరిశ్రమ–విద్యా రంగాల ప్రముఖుల భాగస్వామ్యం
సదస్సులో జాతీయ ఆరోగ్య ప్రాధికార సంస్థ (National Health Authority) CEO డా. సునీల్‌ కుమార్‌ బార్న్వాల్‌, ఆంధ్రప్రదేశ్‌ ప్రభుత్వ ప్రధాన కార్యదర్శి సాయి జి.ప్రసాద్‌, NXP Semiconductors India MD హితేష్‌ గార్గ్‌, IIT Madras School of AI అధిపతి ప్రొఫెసర్‌ రవీంద్రన్‌, IBM India & South Asia Asia Pacific CTO అమిత్‌ సింఘీ, L&T Aerospace అధిపతి అరుణ్‌ రామ్‌చందానీ, Honeywell Aerospace India MD యారం విజయ్‌ కుమార్‌, CSIR–CFTRIకి చెందిన డా. గిరిధర్‌ పార్వతం, SLB India Region Managing Director లలిత్‌ అగర్వాల్‌ తదితర ప్రముఖులు పాల్గొననున్నారు.

డీప్‌టెక్‌ నుంచి AI ఆధారిత పాలన వరకు
సదస్సులో ఆర్టిఫిషియల్‌ ఇంటెలిజెన్స్‌, డీప్‌టెక్‌, సెమీకండక్టర్లు, డేటా సెంటర్లు, క్వాంటమ్‌ టెక్నాలజీస్‌, డిఫెన్స్‌ & ఏరోస్పేస్‌, గ్రీన్‌ ఎనర్జీ, మెడ్‌టెక్‌ & హెల్త్‌కేర్‌, అగ్రిటెక్‌, ఎంటర్‌ప్రెన్యూర్‌షిప్‌, స్కిల్లింగ్‌, AI ఆధారిత పాలన వంటి కీలక రంగాలపై విస్తృతంగా చర్చించనున్నారు.

సాంకేతికత ఆధారిత కొత్త పరిశ్రమలు, పరిశోధన, పెట్టుబడులు, స్టార్టప్‌లు, నైపుణ్యాభివృద్ధికి ఆంధ్రప్రదేశ్‌లో ఉన్న అవకాశాలను గుర్తించడంతో పాటు, రాష్ట్ర యువతకు కొత్త ఉపాధి, పారిశ్రామిక అవకాశాలను కల్పించే మార్గాలపై కూడా సదస్సు దృష్టి సారించనుంది.

పాన్‌ ఐఐటీ–ఐఐటీలు–ప్రభుత్వం–పరిశ్రమల మధ్య దీర్ఘకాలిక భాగస్వామ్యం
ఆంధ్రప్రదేశ్‌ ప్రభుత్వంతో పాటు పాన్‌ఐఐటీ, దేశంలోని ఐఐటీ వ్యవస్థ, పరిశ్రమల మధ్య దీర్ఘకాలిక భాగస్వామ్యానికి ఈ సదస్సు వేదిక కానుంది. ఇందులో భాగంగా ప్రతిపాదిత PanIIT Amaravati Council, డీప్‌టెక్‌ పెట్టుబడులకు ప్రత్యేక యంత్రాంగాలు, Global IIT Mentor Network వంటి ప్రతిపాదనలను కూడా పరిశీలించనున్నారు.

పరిశోధన, ఆవిష్కరణలు, పెట్టుబడులు, స్టార్టప్‌లు, పరిశ్రమల భాగస్వామ్యాన్ని మరింత బలోపేతం చేసి, ఆంధ్రప్రదేశ్‌ను ప్రపంచ ఐఐటీ, టెక్నాలజీ నెట్‌వర్క్‌తో అనుసంధానించడమే సదస్సు ప్రధాన లక్ష్యంగా ఉంది. తద్వారా స్వర్ణాంధ్ర–2047 రాష్ట్ర లక్ష్యాలను, వికసిత్‌ భారత్‌–2047 జాతీయ లక్ష్యాలను సాంకేతికత, ఆవిష్కరణల ద్వారా సాధించేందుకు దోహదపడనుంది.

పాన్‌ఐఐటీ అలుమ్ని ఇండియా చైర్మన్‌ ప్రబాత్‌ కుమార్‌
PanIIT Alumni India Chairman,IRS,NACIN, CBIC Principal ADG..

ప్రభుత్వం, పరిశ్రమలు, విద్యా సంస్థలు, పారిశ్రామికవేత్తలు, ప్రపంచవ్యాప్తంగా ఉన్న ఐఐటీ పూర్వ విద్యార్థులను ఒకే వేదికపైకి తీసుకురావడం ఈ సదస్సు ప్రత్యేకత. AI, డీప్‌టెక్‌, అభివృద్ధి చెందుతున్న సాంకేతిక రంగాల్లో ఆంధ్రప్రదేశ్‌కు ఉన్న విస్తృత అవకాశాలను వినియోగించుకుని రాష్ట్రాన్ని ప్రముఖ టెక్నాలజీ, ఇన్నోవేషన్‌ హబ్‌గా అభివృద్ధి చేయవచ్చు. స్వర్ణాంధ్ర, వికసిత్‌ భారత్‌–2047 లక్ష్యాల సాధనలో ఐఐటీ అలుమ్ని సమాజం ఉత్ప్రేరక శక్తిగా పని చేయడానికి దోహద పడుతుంది.

పాన్‌ఐఐటీ అలుమ్ని ఇండియా వైస్‌ చైర్మన్‌ డా. అమితాబ్‌ రంజన్‌
PanIIT Alumni India Vice Chairman, Indian Institute of Public Administration (IIPA) Registrar…

దేశం ఎదుర్కొంటున్న సవాళ్లు, అవకాశాలను సమర్థంగా ఎదుర్కొనేందుకు సంస్థలు, రంగాల మధ్య బలమైన భాగస్వామ్యాలు అవసరం. సుదీర్ఘ సముద్రతీరం, సమృద్ధిగా ఉన్న ఖనిజ వనరులు, మెరుగవుతున్న కనెక్టివిటీ, ప్రతిభావంతమైన మానవ వనరులు వంటి వ్యూహాత్మక బలాలు ఆంధ్రప్రదేశ్‌ను ప్రముఖ ఆర్థిక, సాంకేతిక కేంద్రంగా తీర్చిదిద్దేందుకు అనుకూలంగా ఉన్నాయి.పరిశోధన, ఆవిష్కరణలు, సాంకేతికత ఆధారిత అభివృద్ధిలో మరిన్ని పెట్టుబడులు, భాగస్వామ్యాలకు ఈ సదస్సు దోహదపడుతుంది.

స్వదీప్‌ పిళ్లరిశెట్టి, సమ్మిట్‌ చైర్‌
PanIIT Andhra Pradesh Summit–2026 Summit Chair….

ప్రభుత్వం, పరిశ్రమలు, దేశంలోని అన్ని 23 ఐఐటీలకు చెందిన ప్రతిభ, సాంకేతికత, పెట్టుబడులు, నైపుణ్యాలను ఒకే వేదికపైకి తీసుకురావడం ద్వారా ఆంధ్రప్రదేశ్‌ డీప్‌టెక్‌ దశాబ్దానికి పునాది వేయడమే సమ్మిట్‌ లక్ష్యం. స్వర్ణాంధ్ర–2047 విజన్‌ను పరిశోధన, ఆవిష్కరణలు, పెట్టుబడులు, యువతకు అవకాశాల రూపంలో కార్యరూపంలోకి తీసుకు రావాలనేది లక్ష్యం.

చర్చల నుంచి కార్యాచరణాత్మక భాగస్వామ్యాల దిశగా..
సమ్మిట్‌ కో-చైర్‌ శ్రీ రాజేష్‌…

ఆంధ్రప్రదేశ్‌ తనకు ఉన్న బలాలను స్పష్టమైన ఫలితాలుగా మార్చుకోవాల్సిన అవసరం ఉంది.ప్రతిభ, సాంకేతికత, పెట్టుబడులు, మౌలిక వసతులను పరస్పరం అనుసంధానించడం ద్వారా పరిశోధన, ఆవిష్కరణలు, పారిశ్రామికవేత్తలు, పరిశ్రమల మధ్య కార్యాచరణాత్మక భాగస్వామ్యాలను రూపొందించడమే సదస్సు ముఖ్య ఉద్దేశ్యం.రాష్ట్రంలో దీర్ఘకాలిక సాంకేతిక, ఆవిష్కరణల ఎకోసిస్టమ్‌ను నిర్మించి, ఆంధ్రప్రదేశ్‌ను టెక్నాలజీ ఆధారిత ఆర్థిక వృద్ధికి శక్తివంతమైన ఇంజిన్‌గా తీర్చిదిద్దేందుకు కృషి.

పాన్‌ఐఐటీ అలుమ్ని ఇండియా గురించి
PanIIT Alumni India (PIAI) దేశంలోని మొత్తం 23 ఇండియన్‌ ఇన్‌స్టిట్యూట్స్‌ ఆఫ్‌ టెక్నాలజీ (IITs) పూర్వ విద్యార్థులకు ప్రాతినిధ్యం వహించే అంబ్రెలా సంస్థ. 2006లో లాభాపేక్షలేని సంస్థగా ఏర్పడిన పాన్‌ఐఐటీ, ఐఐటీ పూర్వ విద్యార్థులు, విద్యావేత్తలు, పరిశ్రమల ప్రతినిధులు, పారిశ్రామికవేత్తలు, పెట్టుబడిదారులు, ఆవిష్కర్తలు, విధాన నిర్ణేతలను ఒకే వేదికపైకి తీసుకువస్తోంది.

జాతీయ, అంతర్జాతీయ సదస్సులు, విధాన చర్చలు, టెక్నాలజీ–ఇన్నోవేషన్‌ కార్యక్రమాలు, సామాజిక ప్రభావ కార్యక్రమాల ద్వారా ఐఐటీ అలుమ్ని సమాజం యొక్క నైపుణ్యం, అనుభవం, ప్రపంచవ్యాప్త నెట్‌వర్క్‌ను దేశ అభివృద్ధి, సాంకేతిక ప్రగతి, ప్రపంచ స్థాయి నాయకత్వం కోసం వినియోగించడమే పాన్‌ఐఐటీ లక్ష్యం.

ప్రపంచ టెక్నాలజీ రంగంలో ప్రముఖులైన సుందర్‌ పిచాయ్‌, అరవింద్‌ కృష్ణ, ఎన్‌.ఆర్‌. నారాయణమూర్తి, వినోద్‌ ఖోస్లా, డా. రఘురామ్‌ రాజన్‌ తదితరులు ఐఐటీ అలుమ్ని సమాజం ప్రపంచవ్యాప్త ప్రభావానికి ప్రతీకలుగా నిలుస్తున్నారు.