రహదారి భద్రతా పై అవగాహన తప్పని సరి

-లైసెన్స్ లేకుండా వాహనాలు నడపడం చట్టరీత్యా నేరం
– కే వి కృష్ణా రావు

రాజమహేంద్రవరం, నేటి పత్రిక ప్రజావార్త :
35 వ రహదారి భద్రత మాసోత్సవాలను పురస్కరించు కొని గురువారం డ్రైవింగ్ టెస్టింగ్ ట్రాక్ రాజానగరం నందు లైసెన్సు పరీక్షల కొరకు వచ్చిన ధరఖాస్తు దారులకు మరియు వాహనముల ఫిట్నెస్ కొరకు వచ్చిన వాహన యజమానులకు మరింతగా రహదారి భద్రత పై అవగాహన కల్పించడం జరిగినదని జిల్లా రవాణా అధికారి కె వి కృష్ణా రావు గురువారం ఒక ప్రకటనలో తెలిపారు. 35 వ రహదారి భద్రత మాసోత్సవాలను పురస్కరించుకొని నిర్వహించిన అవగాహన కార్యక్రమములో సహాయ మోటార్ వెహికల్ ఇన్స్పెక్టర్ కె. చైతన్య సుమా, హోమ్ గార్డ్స్ మరియు వాహన యజమానులు పాల్గొన్నారు.